Praımerızge qatysýshylardyń ekinshi legi aıasynda Qostanaıdaǵy Jastar saraıynda ashyq jaryssózder ótti. Aımaqta partııaishilik irikteýdiń úgit kezeńinde 164 pikirsaıys ótkizý josparlanǵan. Oǵan jalpy sany 833 adam qatysýda.
Debat barysynda úmitkerler bılik pen buqara halyq arasyndaǵy baılanysty nyǵaıtý, joldardyń jóndelý sapasy, kásipkerlikti damytý, azamattardyń azyq-túlik sebetin eseleý, densaýlyq salasyn jaqsartý sııaqty ózekti máselelerdi talqylady.
Partııaishilik irikteý aıasyndaǵy alǵashqy jaryssóz 14 qyrkúıekte oblys ortalyǵynda ótti. Pikirsaıys eki kezeńnen turady: birinshi raýndta úmitkerler ózderiniń saılaý aldyndaǵy baǵdarlamalarymen tanystyrady, al ekinshi raýndta «suraq-jaýap» sessııasyna qatysady.
– Qatysýshylardyń árqaısysynyń óz saılaýaldy baǵdarlamasy daıyn. Úgit-nasıhat jumystarynyń barysy týraly olar uıymdastyrý komıtetine habardar etedi, materıaldardy www.primaries.kz saıtynda nemese arnaıy mobıldi qosymshada ornalastyrady. Olarmen kez kelgen partııa múshesi tanysa alady. Qazirgi tańda bizdiń qatysýshylar ártúrli qaýym ókilderimen kezdesý ótkizýde, sondaı-aq oblystyq fılıaldyń áleýmettik jelilerindegi paraqshada tikeleı efırde kórsetiletin qoǵamdyq pikirtalasqa da qatysýda, – dedi partııanyń Qostanaı qalalyq fılıaly tóraǵasynyń birinshi orynbasary Ǵazız Ahmetchın.
Aıta ketý kerek, pikirsaıys ár úmitker úshin, úgit-nasıhat jumystarynyń mindetti sharty. Ol onlaın daýys berý bastalardan bir kún buryn, ıaǵnı 30 qyrkúıekte aıaqtalady.
Qostanaı oblysy