Dúkenniń ákimshiligi taýarlyq-materıaldyq qundylyqtardy urlaý faktisi boıynsha polısııaǵa júgindi, dep habarlaıdy Egemen.kz
Polısııa qyzmetkerleri jedel-izdestirý is-sharalary barysynda 20 jastaǵy elorda turǵynyn anyqtady. Jas jigit dúkenniń ishinde bola tura, jalpy quny 60 myń teńge turatyn 2 flakon er adamdardyń ıissýyn jáne "Gillette" ustarasyna arnalǵan aýystyratyn kasetalardy jasyryn urlap ketken.
Polısııaǵa jetkizilgen kúdikti jasaǵan urlyǵyn moıyndady. Atalǵan fakti boıynsha QR QK 188-baby boıynsha (urlyq) sotqa deıingi tergep-tekserý júrgizilýde. Onyń elorda aýmaǵynda buryn jasalǵan osyǵan uqsas qylmystarǵa qatystylyǵy tekserilýde. Atalǵan tulǵanyń quqyqqa qaıshy áreketterinen zardap shekken azamattar bolǵan jaǵdaıda Beıbitshilik, 19 mekenjaıy boıynsha Nur-Sultan qalasy Polısııa departamentine júginýdi nemese 8 (7172) 71-66-10,71-66-40, 71-66-76 nemese "102" telefondaryna qońyraý shalýdy suraımyz.