Qoǵamdyq baqylaý medısınalyq uıymdar jumysyn tártipke keltiredi

Medısına qyzmetkerleriniń medısınalyq saqtandyrý júıesi, onyń ishinde TMKKK aıasyndaǵy jáne MÁMS júıe­sindegi medı­sı­na­lyq qyz­met­ter, sondaı-aq pasıent­ter­diń saqtandyrylý mártebesi týraly bilimderin anyq­taý maq­sa­tynda qordyń el­or­­dadaǵy fılıaly «Qupııa pa­sıent» jobasy aıasynda medısına uıymdary qyzmetkerlerine qońyraý shalyp, olardyń bilik­tiligin tekserdi. Jobaǵa 35 me­dısınalyq uıym endi. Eki kezeń­men ótkizilgen qońyraý shalý nátıjeleri boıynsha qordyń Nur-Sultan qalasy bo­ıynsha qyzmet jetkizýshi – medısına uıymdary arasynda qyz­met­kerler jaýabyna qana­ǵat­tan­baı­tyn pasıentter kór­set­ki­shi 64%-dan 33,5%-ǵa azaıdy.

Sondaı-aq anyqtalǵan máse­le­ler negizinde fılıal oqý-úı­re­tý materıaldaryn ázirlep, medısına uıymdaryndaǵy «bestikke» arnalǵan oqý-úıretý sharalaryn ótkizdi.

«1 shilde men 18 qyrkúıek ara­ly­ǵynda halyqty aqpa­rat­tandyrý jáne ótinish­ter­di qaras­ty­rý bóliminiń qyz­met­kerleri telefon arqyly jáne kelip sura­ǵan azamattarǵa 1215 keńes berdi. Kórsetilgen ke­ńes­ter qorytyndysy boıynsha turǵyndardyń saqtandyrý mártebesiniń bolmaýy, olardyń ýaqtyly medısınalyq kómek alýyna kedergi keltiretinin túsi­ný­ge bolady», deıdi «Áleý­met­tik medısınalyq saqtandyrý qory» KeAQ Nur-Sultan qalasy boıynsha fılıalynyń halyqty aqparattandyrý jáne ótinishterdi qarastyrý bóliminiń bas sarapshysy Janargúl Úmbetova.

Turǵyndar tarapynan qo­ǵam­­dyq baqylaý bir jaǵy­nan Áleýmettik medı­sı­na­lyq saqtandyrý qoryna burma­laý­shy­lyqtardy anyq­taý­ǵa kómek­tesedi, ekinshi jaǵynan medı­sı­­nalyq uıymdar ju­my­syn tár­tipke keltiredi. Son­dyq­tan aza­mattardy mo­bıl­di qo­symshalarda óz derek­terin tek­serýge jáne sáı­kes­sizdikter anyq­talǵan jaǵ­daı­da qordyń elor­dalyq fılıalyna habar­laý­ǵa shaqyramyz. Sondaı-aq 1406 telefonyna nemese Qoldau 24/7 mo­bıldi qosymshasy arqyly ha­bar­lasýǵa bolady.

Áleýmettik medısınalyq saq­­ta­ndyrý qorynyń Qoldau-24/7 mobıl­di qo­sym­sha­sy Android smart­fondary úshin Play Market arqyly, Apple smart­fon­­dary úshin App Store arqyly júk­te­le­di.