Dúnıeni dúrliktirgen indettiń taralýy tyıylmaı tur. Sońǵy kúnderi ózge óńirlerge qaraǵanda Shyǵys Qazaqstan oblysynan kóp anyqtaldy. Endi mine, COVID-19 belgisi Altaı aýdanynda kezekshi synyp oqýshysynan shyqqan.
Jalpy, oblys aýmaǵynda 1 qyrkúıekten bastap kezekshi synyptardaǵy oqýshylar arasynda koronavırýs ınfeksııasyn juqtyrǵan 4 jaǵdaı tirkelgen. Olar – Shemonaıha aýdanynyń 4-synyp oqýshylary, Kókpekti aýdanynyń 11-synyp oqýshysy jáne Altaı aýdanynyń 2-synyp oqýshysy.
Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, koronavırýs ınfeksııasyn juqtyrǵan oqýshylar oqıtyn bilim mekemeleri shaǵyn keshendi mektepter bolyp tabylady.
Oblys aýmaǵynda eki mekteptiń kezekshi synyptary (Shemonaıha, Altaı aýdandary) jáne Kókpekti aýdanynda bir mektep 14 kúnge karantınge jabyldy. Mektepterdegi koronavırýs ınfeksııasynyń oshaǵy dep belgilengen synyptarǵa qashyqtan oqytýǵa aýystyrý týraly qaýly shyǵaryldy. Qaýipti vırýs anyqtalǵan barlyq mektepte epıdemııaǵa qarsy dezınfeksııalyq is-shara júrgizildi.
О́tken táýliktegi aqparat boıynsha Qazaqstanda jalpy 79 jaǵdaı tirkelse, onyń 21-i – Shyǵys Qazaqstanda. О́zge óńirlermen salystyrsaq, aldyńǵy orynda tur. Al naýqastarǵa janashyrlyq tanytqan birqatar azamat ımmýndyq plazma tapsyrǵan.
Shyǵys Qazaqstan oblysy