Qostanaıda muz arenasy salynyp jatyr, dep habarlaıdy Egemen.kz
"Eki jarym myń kórermenge arnalǵan "Muz saraıy" kesheniniń jalpy aýdany 8,6 myń sharshy metr bolady. Sport nysany bıyl jeltoqsan aıynda paıdalanýǵa berilmek. Qazir qurylys basynda ishki árleý, keshenniń aınalasyn abattandyrý, qajetti qural-jabdyqtardy ornatý jumystary júrip jatyr.
Qostanaı qalasynyń ortalyǵynda buǵan deıin de bir muz saraıy jumys istep kelgen. Biraq bul sport nysany balalarǵa arnalǵan jattyǵýlardy ótkizýge qolaıly bolǵanymen, iri jarystardy uıymdastyrýǵa tarshylyq etip kelgen. Al jańa muz arenasy jyl on eki aı boıy oqý-jattyǵý ótkizip, hokkeı, mánerlep syrǵanaý jáne basqa da sport túrlerinen iri jarystar ótkizýge múmkindik beredi. Sondaı-aq munda aýqymdy oıyn-saýyq, mádenı sharalardy ótkizýge de bolady.
Oblys ákimi Arhımed Muhambetov nysan basyna baryp, muz saraıynda júrip jatqan qurylys barysymen tanysty. Sol jerdegi Slovakııa Respýblıkasynan kelgen merdiger kompanııanyń ókilderimen kezdesti. Kezdesý barysynda Qostanaı qalasynda Muz arenasynyń qurylysyn júzege asyrý máseleleri talqylandy.
"Sport saraıynyń qurylysyn slovakııalyq kompanııaǵa senip tapsyrǵan bolatynbyz. Búgin qurylys nysanyn taǵy bir aralap, kórip shyqtym. Jalpy," H+H Technika" kompanııasynyń bul salada tájirıbesi mol. Buǵan deıin de Chehııanyń Bystrıjıse, Veshkov, Telch qalalarynda 3 muz saraıyn salyp, eýropalyq sarapshylardyń oń pikirine te bolǵan. Qazirshe pandemııaǵa baılanysty muz arenasyna arnalǵan jabdyqtardy jetkizý toqtap tur. Osyǵan qaramastan, merdigerge osy jyldyń sońyna deıin nysandy paıdalanýǵa berýdi tapsyrdym", dedi oblys ákimi.