Batys Qazaqstan oblysynda birneshe mektep ultymyzdyń dańqty tulǵalarynyń esimin ıelenetin boldy, dep habarlaıdy Egemen.kz.
Batys Qazaqstan oblysynda sovettik kezeńnen qalǵan, ıdeologııalyq turǵydan eskirgen eldimeken, bilim oryndary ataýlary áli kóp. Oblystyq máslıhattyń kezekti 38 sessııasynda osyndaı onomastıkalyq ataýlardy retke keltirý jáne ıdeologııalyq turǵydan eskirgen ataýlardy ulttyq tanymǵa jaqyn ataýlarmen aýystyrý maqsatynda usynys jasaldy.
Batys Qazaqstan oblystyq tilderdi damytý basqarmasy basshysynyń mindetin atqarýshy Sveta Ǵanıevanyń málimdemesine qaraǵanda, oblystyq daryndy balalarǵa arnalǵan mamandandyrylǵan mektep-gımnazııa-ınternaty endi Abaı Qunanbaıulynyń esimin ıelenbek. Sondaı-aq Báıterek aýdanynda Trekın qazaq mektebi – Qadyr Myrza Álı atyndaǵy, Pervosovetsk orta mektebi – Shoqan Ýálıhanov atyndaǵy, Shapov orta mektebi – Baýyrjan Momyshuly atyndaǵy, Batýrın orta mektebi – Talǵat Bıgeldınov atyndaǵy, Novenkıı orta mektebi – Qasym Qaısenov atyndaǵy, Ýlıanov orta mektebi – Ilııas Esenberlın atyndaǵy jalpy orta bilim beretin mektep bolyp atalatyn bolady. Ataýy ózgeretin mektepterdiń qatarynda Shyńǵyrlaý aýdanyna qarasty Belogor jáne Poltava negizgi mektepteri de bar. Olar osy bilim ordalary ornalasqan eldimekenderdiń ataýymen Aqtaý jáne Ardaq negizgi mektepteri dep ózgertilmek.
"Bul ataýlardyń ózgerýi jergilikti bıýdjetten qosymsha qarajat qajet etpeıdi. Usynysty oblystyq máslıhat depýtattary biraýyzdan qoldady. Endi Qazaqstan Respýblıkasy Úkimetiniń janyndaǵy Respýblıkalyq onomastıka komıssııasynyń qaraýyna joldaımyz", - deıdi Qadyrbaıqyzy.