Qyzylqoǵa aýdanyndaǵy Qoǵam eldi mekeniniń mańyndaǵy «Máten qoja» qaýymyndaǵy zırattardy qıratyp, túnek úıin órtegen buzaqy ustaldy. Bul oqıǵa 27 qyrkúıekte saǵat 13:38 shamasynda bolǵan, dep habarlaıdy Egemen.kz.
«Qyzylqoǵa aýdanynyń turǵyny «Máten qoja» qaýymyndaǵy túnek úıi men saraıdy órtep, 13 adam jerlengen zırattar men qulpytastardy syndyrǵan. Osyǵan oraı aýdandyq polısııa bóliminiń qyzmetkerleri jedel izdestirý sharalaryn júrgizdi. Nátıjesinje osy aýdannyń 1977 jyly týǵan turǵyny ustalyp, ýaqytsha ustaý ornyna qamaýǵa alyndy. Kúdiktiniń basqa qylmystarǵa qatystylyǵy tekserilýde», -dep habarlady oblystyq polısııa departamentiniń baspasóz qyzmeti.
Qazir qamaýǵa alynǵan kúdiktige qatysty QR Qylmystyq Kodeksiniń 314-babymen (О́lgen adamdardyń máıitterin jáne olar jerlengen jerlerdi qorlaý) sotqa deıingi tergeý júrgizilýde.