Shymkentte áskerı qyzmetshiler qysqa tehnıka men qarý-jaraqty daıyndap jatyr, dep habarlaıdy Egemen.kz
Shymkent garnızonynyń áskerı bólimderinde tómen temperatýrada jáne kúrdeli meteorologııalyq jaǵdaılarda áskerı tehnıka men qarý-jaraqtyń úzdiksiz jumysyn qamtamasyz etý úshin, qarý-jaraq pen áskerı tehnıkany qysqy paıdalaný kezeńine aýystyrý bastaldy.
Tehnıkany qysqa daıyndaý birneshe kezeńnen turady: áskerı tehnıka sanyna kerekti janar-jaǵarmaı materıaldaryn, sondaı-aq basqa da materıaldyq quraldardy esepteý, uıymdastyrý qujattaryn ázirleý, materıaldyq-tehnıkalyq qamtamasyz etýdi uıymdastyrý, parkter men park úı-jaılaryn tehnıkany aýystyrýǵa jáne qysqy jaǵdaılarda jumys isteýge daıyndaý, aýystyrý boıynsha jumystardy oryndaý, sondaı-aq aýystyrýdy qorytyndylaý.
Árbir áskerı bólimde aldyn ala janar-jaǵarmaı materıaldarynyń barlyq túrleri, qural-saımandar men qajetti qosalqy bólshekter alyndy. Sondaı-aq áskerı qyzmetshiler jaýyngerlik mashınalardyń árbir parkiniń aýmaǵynda tıisti tártip ornatady, qoımalarǵa, park úı-jaılaryna aǵymdaǵy jóndeý júrgizedi.
Aýystyrý kezinde tehnıka men qarý-jaraqqa paıdalaný normalaryna sáıkes jóndeý jáne qyzmet kórsetý oryndalady: árbir jaýyngerlik mashınanyń barlyq toraptary men agregattary tekseriledi, súzgilerdi jýý jáne aýystyrý, janar-jaǵarmaı materıaldaryn aýystyrý, batareıalardy jóndeý jáne olarǵa qyzmet kórsetý, sondaı-aq elektr jabdyǵyn tekserý júrgiziledi.
Qarý-jaraq pen áskerı tehnıkany daıyndaý jumystary kestege sáıkes júrgiziledi jáne 10 qarashaǵa deıin aıaqtalady.
Maýsymdyq qyzmet kórsetý jumystarynyń qorytyndysy boıynsha qaraý júrgiziledi jáne qarý-jaraq pen áskerı tehnıkanyń, sondaı-aq Parktiń daıyndyǵy týraly akt jasalady.