Saýda jáne ıntegrasııa mınıstrligi Tutynýshylardyń quqyqtaryn qorǵaý komıtetiniń qyzmetkerleri búginge deıin «Bek Eır» kompanııasy aqshasyn qaıtarmaǵan azamattardyń múddelerin qorǵaý jumystaryn jalǵastyrýda.
Qazirgi ýaqytta Almaty qalasy Túrksib aýdandyq sotymen úshinshi talap qaralýda. Onda komıtet 482 adamnyń múddesin bildiredi (30 mln teńgeden astam somaǵa 845 bılet).
2020 jylǵy 2 qazandaǵy sot otyrysy barysynda isti jan-jaqty jáne obektıvti qaraý úshin komıtet sottan jaýapkerden jazbasha dáleldemelerdi talap etýge, prokýrordy, «Qazaqstannyń avıasııalyq ákimshiligi» AQ-tyń ýákiletti uıymyn, bılet satý jónindegi agentterin, sondaı-aq komıtet múddelerin bildiretin azamattardy sotqa qatysýǵa tartý týraly ótinish bildirdi.
Alaıda bul ótinishterdi sot qoldamady jáne qabyldamady.
Sonymen qatar komıtet zańnamalyq sheńberde tutynýshylardyń qarajatyn qaıtarýy boıynsha barlyq qajetti sharalardy qabyldaýdy jalǵastyrady.
Kelesi sot otyrysy 2020 jylǵy 13 qazanda saǵat 15:00-ge taǵaıyndaldy.