Shymkent qalasy bıýdjetti ıgerý boıynsha respýblıkada birinshi orynda, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Megapolıstiń áleýmettik-ekonomıkalyq damýyna bólingen respýblıkalyq bıýdjet qarjysyn ıgerýde Shymkent qalasy elimiz boıynsha kóshbastap tur. 2020 jyldyń 1 qazanyndaǵy esepti kezeńde bıýdjet qarjysy 100 paıyzǵa ıegerilgen. Bul týraly qarjy basqarmasy málimdedi.
Mamandardyń aıtýynsha, qalanyń damýyna respýblıkalyq bıýdjetten bólingen 454,5 mlrd teńgeniń qazan aıyna josparlanǵan 300,5 mlrd teńge qarjy tolyǵymen ıegerilgen. Sondaı-aq, 33,5 mln teńge kólemindegi bıýdjet qarjysy únemdelip otyr. Al, qalǵan 150 mıllıarttan astam qarjy jyl sońyna deıin tolyǵymen ıgeriletin bolady.
Aıta keteıik, qala bıýdjeti respýblıkalyq statýsqa deıin 133 mlrd. teńge bolsa, 2020 jylǵa 321,5 mlrd teńgege artty. Búginde qala bıýdjeti 454,5 mlrd teńgeden asyp otyr, onyń 47 paıyzy áleýmettik salaǵa baǵyttalǵan.