Orta salmaqta judyryqtasatyn qazaqstandyq boksshy Qanat Islamnyń (27-0, 21 KO) kelesi jekpe-jegin keıinge shegerildi, dep habarlaıdy Egemen.kz.
Qanattyń bastapqydaǵy qarsylasy 23 jastaǵy Gonsalo Korııa (16-3, 6 KO) bolatyn, alaıda, onymen ózge qazaqstandyq boksshy Jánibek Álimhanuly (8-0, 4 KO) judyryqtasatyn boldy.
Odan keıin qazaq boksshy 32 jastaǵy meksıkalyq Hesýs Gýrrolamen (27-3-15, 14 KO) kezdesý ótkizý kerek edi, biraq, boksshynyń vızamen qıyndyqtary týyndaǵan. Qazaqstandyq boksshy bolsa qazir AQSh-ta jekpe-jekke daıyndyǵyn jalǵastyryp jatyr. BoxRec málimetinshe, Islam 16 qazan Plant-Sıtı qalasyndaǵy boks keshinde jekpe-jekke shyǵý kerek bolǵan.
Aıta keteıik, qazaqstandyq boksshy rıngke bir jyldaı ýaqyt shyqqan joq. 2019 jyldyń 26 qazany Almatyda ótken WBO International tıtýly úshin keıingi jekpe-jeginde ol namıbııalyq Ýolter Kaýtondokvany (18-2, 17 KO) tóreshiler sheshimimen jeńgen.