Gýmanıtarlyq baǵyttar boıynsha álemniń úzdik ýnıversıtetteriniń 77 oqýlyǵy qazaq tiline aýdarylyp, basylyp shyǵaryldy. Jańa oqý jyly qarsańynda oqýlyqtar elimizdiń barlyq joǵary oqý oryndaryna jetkizildi. Búgingi tańda aýdarylǵan taǵy 23 oqýlyqty basyp shyǵarý jáne taratý boıynsha jumystar jalǵasyp jatyr.
100 sheteldik oqýlyqty qazaq tiline aýdarý «Jańa gýmanıtarlyq bilim. Qazaq tilindegi 100 jańa oqýlyq» jobasy sheńberinde júrgizilip jatyr. Atalǵan jobanyń jumysy Qazaqstan Respýblıkasynyń Tuńǵysh Prezıdenti – Elbasy N.Nazarbaevtyń tapsyrmasy boıynsha 2017 jyldan bastalǵan.
Barlyq oqýlyqtar joǵary oqý oryndaryndaǵy oqý prosesinde, sonyń ishinde jumys baǵdarlamalaryn ázirleý, áleýmettik-gýmanıtarlyq baǵyttaǵy pánder boıynsha dárister oqý, stýdentter men POQ-tyń ǵylymı-zertteý jumysynda paıdalanylatynyn aıta ketken jón.
Osylaısha, bul joba qazaqstandyq stýdentterge úzdik álemdik úlgiler negizinde oqýǵa múmkindik beredi. Iаǵnı stýdentterdiń tarıh jáne saıasattaný, áleýmettaný jáne fılosofııa, psıhologııa, pedagogıka, ekonomıka, mádenıettaný jáne fılologııa ǵylymdary salasyndaǵy zamanaýı trendterge sáıkes bilim alýy úshin jaǵdaı jasalǵan. Oqýlyqtar https://100kitap.kz/ru/books jáne https://openu.kz/kz/books saıttarynda jarııalanǵan. Sonymen qatar aýdarylǵan oqýlyqtar boıynsha qazaq jáne orys tilderindegi vıdeokýrstar ázirlenip, www.OpenU.kz portalynda ornalastyrylǵan.