Álemniń úzdik fýtbolshylarynyń biri, týrındik "Iýventýs" pen Portýgalııa quramasynyń shabýylshysy Krıshtıaný Ronaldý koronavırýs juqtyrdy. Bul týraly Portýgalııa fýtbol federasııasy málim etti, dep habarlaıdy Egemen.kz.
Buǵan deıin "Iýventýstyń" birneshe fýtbolshysy koronavırýspen aýyrǵan bolatyn.
Qazir Ronaldý oqshaýlanýǵa jiberildi, ázirge ol Ulttar Lıgasynyń matchtarynda ulttyq quramada oınamaıdy.
Sońǵy eki aptada Eýropada koronavırýstyq ınfeksııanyń ekinshi tolqyny baıqaldy. Aýrý jaǵdaılary A serııasynyń birneshe klýbtarynda anyqtaldy.