Tarıfterdiń kúrt kóterilýine jol berilmeıdi

Osy oraıda Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha departamenti 2020 jylǵy 25 maýsymda «Astana Sý Arnasy» ShJQ MKK 2021-2025 jyldarǵa arnalǵan sýmen jabdyqtaý jáne sý burý boıynsha rettelip kórsetiletin qyzmetterge tarıfter men tarıftik smetanyń shekti deńgeılerin bekitýge ótinim bergenin habarlaıdy.

Bıyl 6 qazanda departament tarıfterdi qalyptastyrý rási­miniń jarııalylyǵy, ashyq­ty­ǵy maqsatynda máslıhat depý­tattarynyń, qoǵam­dyq birles­tik­ter­diń, táýelsiz sarap­shy­lardyń, bu­qaralyq aqparat qural­darynyń jáne ózge de múddeli tulǵa­l­­ar­dyń qatysýymen «Astana Sý Arnasy» ShJQ MKK ótinimi boıynsha ashyq jınalys nysanyndaǵy tarıf jobasyn talqylaý boıynsha jarııa tyńdaý ótkizdi. Jarııa tyńdaýlar ótkizý barysynda «Astana Sý Arna­sy» ShJQ MKK-nyń ókilderimen sýmen jabdyqtaý boıynsha 44%-ǵa, sý burý boıynsha 137%-ǵa jos­par­lan­ǵan ósimmen kásiporyn tarıfiniń jobasy tanystyryldy. Bul rette usynylǵan ótinim tarıf jobasy bolyp tabylatynyn atap ótý qajet.

Depar­tament kásiporyn málim­de­gen shyǵyndarynyń barlyq bap­ta­rynyń negizdiligine jáne tabıǵı monopolııalar týraly zańnama talaptaryna sáıkestigine egjeı-tegjeıli taldaý júrgizedi. Osyǵan baılanys­ty, sýmen jabdyqtaý jáne sý burý salasyndaǵy tarıf deńgeıiniń aldaǵy ýaqytta kóteriletini týraly naqty málimdeý senimdi aqparatqa janaspaıdy, dep málimdedi Tabıǵı monopolııa­lardy retteý komıtetiniń baspasóz qyz­meti.