QM Memlekettik kirister komıteti tóraǵasynyń orynbasary Qaırat Isataıuly taǵaıyndaldy, dep habarlaıdy Egemen.kz
Qaırat Isataıuly Mııatov Jambyl qalasynda 1971 jylda dúnıege keldi, bilimi joǵary: 1993 jyly Jambyl gıdromelıoratıvtik-qurylys ınstıtýtyn "ınjener-qurylysshy" mamandyǵy boıynsha 1997 jyly Jambyl gıdromelıoratıvtik-qurylys ınstıtýtyn "Ekonomıst-býhgalter" mamandyǵy boıynsha jáne 2006 jyly Qazaq gýmanıtarlyq-zań ýnıversıtetin "Zańtaný" mamandyǵy boıynsha bitirgen.
Eńbek jolyn 1993 jyly Jambyl oblysy boıynsha Salyq ınspeksııasynyń aǵa salyq ınspektory bolyp bastady, onda 2002 jylǵa deıin shaǵyn bıznes bóliminiń bastyǵy, kelispeýshilikter jáne konsýltasııalar bóliminiń bastyǵy laýazymdarynda qyzmet atqardy.
2002 jyldan bastap QR Memlekettik kirister mınıstrligine monıtorıng jáne transferttik baǵa belgileý departamentiniń halyqaralyq iskerlik operasııalar baǵalarynyń monıtorıngi bóliminiń bas mamany bolyp jumysqa aýysty. 2003 jyldan 2005 jylǵa deıin QR Qarjy mınıstrligi Salyq komıtetiniń salyqtyq ákimshilendirý basqarmasynyń bas mamany bolyp jumys istedi.
2005 jyly Aqtóbe oblysy Aqtóbe qalasy boıynsha Salyq komıteti tóraǵasynyń orynbasary laýazymyna taǵaıyndaldy, onda 2007 jylǵa deıin jumys istedi.
2007 jyldan 2009 jylǵa deıin QR Qarjy mınıstrligi Salyq komıtetiniń salyqtyq ákimshilendirý basqarmasy bastyǵynyń orynbasary, sodan keıin salyqtyq aýdıt basqarmasynyń bastyǵy.
2009 jyly Astana qalasy boıynsha Salyq departamentiniń Almaty aýdany boıynsha Salyq basqarmasynyń bastyǵy bolyp taǵaıyndaldy, onda 2011 jylǵa deıin jumys istedi.
2012 jyldan 2013 jylǵa deıin Qazaqstan Respýblıkasy Qarjy mınıstrliginiń Dármensiz boryshkerlermen jumys komıteti tóraǵasynyń orynbasary.
2013 jyldan 2017 jylǵa deıin Qazaqstan Respýblıkasy Qarjy mınıstrligi Memlekettik kirister komıtetiniń ońaltý jáne bankrottyq basqarmasynyń, janama salyqtardy ákimshilendirý basqarmasynyń, eksporttyq baqylaý basqarmasynyń basshysy.
2017 jyldan 2020 jylǵa deıin Qazaqstan Respýblıkasy Qarjy mınıstrliginiń apellıasııa departamentiniń dırektory.
2020 jylǵy 5 qazannan bastap Qazaqstan Respýblıkasy Qarjy mınıstrliginiń Memlekettik kirister komıteti tóraǵasynyń orynbasary bolyp taǵaıyndaldy.