Bıylǵy jyldyń 15 shildedegi jaǵdaıy boıynsha dáriger kadrlarynyń tapshylyǵy 5 201 birlikti qurady, eń joǵary qajettilik Qostanaı oblysynda – 624 dáriger. Bul týraly Ortalyq kommýnıkasııalar qyzmetinde ótken brıfıngte Respýblıkalyq densaýlyq saqtaýdy damytý ortalyǵynyń bas dırektory Qanat Tósekbaev málimdedi.
"Jas mamandardy bólgennen keıin kadrlar tapshylyǵynyń oń dınamıkasy baıqalady: 10 qyrkúıektegi jaǵdaı boıynsha, respýblıka boıynsha kadrlarǵa qajettilik 1 079 birlikke azaıdy. Eń úlken alshaqtyq Qostanaı oblysynda tirkeldi, onda kadrlar qajettiligi 52% - ǵa azaıdy. Osylaısha, qazirgi ýaqytta dáriger kadrlaryndaǵy tapshylyq 4 122 birlikke teń", - dedi spıker.
Áli de bosla, anestezıolog-reanımatolog, terapevt, jalpy praktıka dárigerleri, zerthanashy dárigerler, psıhıatr, akýsher-gınekolog jáne pedıatr mamandary tapshy. Medısınalyq uıymdar ınfeksıonısterge, epıdemıologtarǵa, neonatologtarǵa asa muqtaj. 8,5 myńnan astam orta býyn qyzmetkeri jetispeıdi.