Sybaılas jemqorlyqqa qarsy is-qımyl agenttigi parasattylyq ıdeologııasyn ilgeriletýdiń jańa ádisi retinde elimizdiń qalalary men aýyldarynyń ortalyq kóshelerindegi kópqabatty úılerdiń qasbetine sybaılas jemqorlyqqa qarsy mýraldar salý týraly bastama kóterdi.
Avtorlardyń pikirinshe, sybaılas jemqorlyqqa qarsy mýraldar durys minez-qulyq úlgilerin qalyptastyrýǵa, durys áreketterdi jasaýǵa shaqyrady. Sybaılas jemqorlyqqa qarsy alǵashqy mýral osy jazda Almaty qalasynda paıda boldy.
Búgingi tańda jergilikti atqarýshy organdardyń qoldaýymen qalalar men aýdan ortalyqtaryndaǵy kópqabatty úılerdiń qasbetterinde 35-ten astam ózekti art-joba ornalastyrylǵan.
Sybaılas jemqorlyqqa qarsy mýraldardyń negizgi taqyryby retinde uly tulǵalardyń beıneleri men parasattylyqqa, ádilettilikke jáne patrıotızmge shaqyratyn sózderi men oılary alynǵan. Mysaly, Abaıdyń «Paıda oılama, ar oıla!», «Adal júrip, adal tur!» sııaqty qanatty sózderi men kórkem beınesi Taldyqorǵan, Úsharal, Sarqan, Tekeli, Oral, Rýdnyı qalalary men О́tegen batyr kentindegi bıik úılerdiń qabyrǵalaryn bezendirip tur.
«Ekinshi ustaz» sanalatyn Ál-Farabıdiń Nur-Sultan, Qostanaı jáne Taldyqorǵan qalalarynyń ortalyq kóshelerinde adaldyq pen adamgershilik qasıetterdi saqtaýǵa shaqyrǵan beıneleri salynǵan.
XII ǵasyrdaǵy uly dala oıshyly Qoja Ahmet Iаsaýı beınesi men onyń taǵylymdy sózderi Túrkistan qalasynyń jáne osy oblystyń birqatar eldi mekenderiniń kórneki tustaryna ilingen.
Sybaılas jemqorlyqqa qarsy osyndaı art-jobalar Shymkent, Kókshetaý, Aqtóbe, Atyraý, Taraz, Pavlodar jáne Qarajal qalalarynda da ornalasqan.