Premer-Mınıstr Asqar Mamınniń tóraǵalyǵymen QR aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııanyń (VAK) selektorlyq otyrysy ótti, dep habarlaıdy Egemen.kz Premer-Mınıstrdiń baspasóz qyzmetine silteme jasap.
Prezıdent Qasym-Jomart Toqaevtyń tapsyrmasyna sáıkes COVID-19-ben kúresýdiń qosymsha sharalary qaraldy.
Elimizdegi sanıtarlyq-epıdemıologııalyq ahýal týraly densaýlyq saqtaý mınıstri A. Soı, zerthanalyq qyzmetter men jeke qorǵaný quraldarynyń baǵa saıasatyna monıtorıng júrgizý jumysy týraly Básekelestikti qorǵaý jáne damytý agenttiginiń tóraǵasy S. Jumanǵarın, sanıtarlyq talaptardyń saqtalýyn baqylaý týraly ishki ister mınıstri E. Turǵymbaev, aqparattyq-túsindirý jumysy týraly aqparat jáne qoǵamdyq damý mınıstri A. Balaeva, óńirlerdegi ahýal týraly Soltústik Qazaqstan oblysynyń ákimi Q. Aqsaqalov pen Pavlodar oblysynyń ákimi Á. Sqaqov baıandady.
Qazaqstanda bıylǵy 18 qazandaǵy jaǵdaı boıynsha koronavırýsty juqtyrǵan 102 adam tirkeldi (ósý qarqyny – 0,09%), juqpaly aýrýlarǵa arnalǵan tósek-oryndardyń 16%-y paıdalanylýda. 2020 jylǵy 14-18 qazan aralyǵyndaǵy reprodýktıvtilik kórsetkishi 1,03%-dan 0,96%-ǵa deıin tómendedi. Sońǵy 3 aptada elimizde 17 myńǵa jýyq reıd júrgizilip, 7 myńnan astam karantın rejımin buzý faktisi anyqtaldy.
Úkimet basshysy turǵyndardyń áli kúnge deıin koronavırýstyń qaýpinen tolyq saqtanbaıtynyn, áleýmettik ara qashyqtyqty saqtaý rejımi men ásirese, qoǵamdyq oryndar men kólikterde mindetti túrde maska taǵý máselesinde sanıtarlyq talaptardyń jetkilikti saqtalmaıtynyn atap ótti. Osyǵan baılanysty Úkimet basshysy azamattar arasynda aqparattyq-túsindirý jumystaryn jandandyrýdy jáne sanıtarlyq talaptardyń saqtalýyn baqylaýdy kúsheıtýdi tapsyrdy.
VAK birqatar sheshim qabyldady:
I.Shekaradan ótkizý pýnktterinde sanıtarlyq-epıdemıologııalyq baqylaýdy kúsheıtý 2020 j. 26 qazannan bastap shet elderdegi epıdemıologııalyq ahýaldy eskerýmen shetelge ushatyn áýe reısteriniń sanyn qysqartý; Qazaqstan aýmaǵyna kelgenderdiń barlyǵyn (sonyń ishinde QR azamattaryn), sondaı-aq ekijaqty halyqaralyq tasymaldardy júzege asyratyn júrgizýshilerdi mindetti PTR-testileýden ótkizý; shetelden kelýshilerge, onyń ishinde QR azamattary úshin de PTR testiden ótkeni týraly anyqtamanyń jaramdy merzimin 3 kúnge deıin belgileý.
II.PTR-testileý 2020 jylǵy 19 qazannan bastap QR kóptegen óńirlik zerthanalarynda PTR-testileý quny 9 myń teńgege deıin tómendetildi.
III.Syrqattanýshylyq ósimi bolmaǵan jaǵdaıda, "jasyl" turaqty epıdemıologııalyq ahýaly bar óńirlerde bıznes sýbektileriniń qyzmetin kezeń-kezeńmen qaıta jandandyrý 2020 jylǵy 24 qazannan bastap senbi kúnderi saǵat 17:00-ge deıin SOSO, saýda úıleri, jabyq bazarlar jumys isteı bastaıdy. Bıylǵy 26 qazannan bastap kınoteatrlar qashyqtyqty jáne maska taǵý rejımin saqtaı otyryp, 30%-dan aspaıtyn tolyǵýmen jumysyn qaıta bastaıdy.
IV.Shekteý sharalaryn saqtaý Mektepke deıingi balalar mekemeleriniń, bılıard jáne kompıýter klýbtarynyń, oıyn-saýyq mekemeleriniń, banket zaldarynyń, túngi klýbtardyń qyzmetine salynǵan tyıym saqtalady. Oblysaralyq jolaýshylar tasymaldaryna jáne ortaq vagondardy qurýǵa tyıym salý jalǵasady.