Úmitkerler qatarynda Almaty da bar

Jer sharynyń ár túkpirinen alynǵan bes qalamen birge Almaty da 2022 jylǵy qysqy Olımpııalyq oıyndardy ótkizýge úmitkerler qataryna engizildi.

Halyqaralyq olımpııalyq komıtet bul talasta bizdiń oń­tústik astanaǵa Beıjiń (Q­ytaı), Krakov (Polsha), Lvov (Ýkraı­na), Oslo (Norvegııa) jáne Stok­golm (Shvesııa) qalalaryn báse­keles etip bekitip berdi. Bu­lardyń arasyndaǵy eń sońǵy usy­nys 14 qarasha kúni kelip tústi.

Jer sharynyń ár túkpirinen alynǵan bes qalamen birge Almaty da 2022 jylǵy qysqy Olımpııalyq oıyndardy ótkizýge úmitkerler qataryna engizildi.

Halyqaralyq olımpııalyq komıtet bul talasta bizdiń oń­tústik astanaǵa Beıjiń (Q­ytaı), Krakov (Polsha), Lvov (Ýkraı­na), Oslo (Norvegııa) jáne Stok­golm (Shvesııa) qalalaryn báse­keles etip bekitip berdi. Bu­lardyń arasyndaǵy eń sońǵy usy­nys 14 qarasha kúni kelip tústi.

Endi, osy úmitker qalalardyń ókilderi Halyqaralyq olım­­pııalyq komıtettiń 4-6 jeltoqsan kúnderi Shveısarııanyń Lozan­­na qalasynda ótetin semınaryna qatysady. Oǵan, sondaı-aq, 2014 jyly Sochıde óte­tin qysqy Olımpııalyq oıyndardyń ba­qylaýshylary da barady. Munda qalalar ókilderi ózderiniń jaı-jaǵdaılaryn baıan­dap beredi.

Úmitkerler tizimi 2014 jylǵy 8-9 shildede birshama qysqarady. Olardyń arasynda budan ári baqtaryn synaýǵa kimderdiń jiberiletinin jáne qansha qalanyń qalatynyn Olımpııalyq komıtet sheshedi. Al 2022 jylǵy Olımpıadanyń ıesin anyqtaý Halyqaralyq olımpııalyq ko­mıtettiń 2015 jylǵy 31 shil­­dede Malaızııanyń astanasy Kýala-Lýmpýr qala­synda bolatyn 127-sessııa­sy kezinde daýys berý jolymen júrgiziledi.

Aıta keteıik, 2014 jylǵy qys­qy Olım­­pııalyq oıyndar Reseıdiń Sochı qalasynda ótkeli tursa, 2018 jylǵy Oıyndar Ońtústik Koreıanyń Phenchhan shaharynda jalaý kóteretin bolady.

Damır QOJAMQUL.