Addıs-Abeba qalasynda (Efıopııa) elimizdiń Egıpettegi elshisi Berik Arynnyń Afrıka Odaǵy Komıssııasynyń tóraǵasy Nkosazana Dlamını Zýma hanymmen kezdesýi ótti. Onyń barysynda Qazaqstan Syrtqy ister mınıstri E.Ydyrysovtyń elshi B.Aryndy Qazaqstannyń Afroodaqtaǵy Turaqty ókili laýazymyna taǵaıyndaý jónindegi haty tabys etildi.
Addıs-Abeba qalasynda (Efıopııa) elimizdiń Egıpettegi elshisi Berik Arynnyń Afrıka Odaǵy Komıssııasynyń tóraǵasy Nkosazana Dlamını Zýma hanymmen kezdesýi ótti. Onyń barysynda Qazaqstan Syrtqy ister mınıstri E.Ydyrysovtyń elshi B.Aryndy Qazaqstannyń Afroodaqtaǵy Turaqty ókili laýazymyna taǵaıyndaý jónindegi haty tabys etildi.
Sonymen qatar, Afroodaqtyń reglamentine sáıkes, elshiniń tirkelýine oraı Qazaqstan atalmysh bedeldi halyqaralyq uıymda baqylaýshy mártebesine qol jetkizdi. Elimizdiń tıisti ótinimi AO Komıssııasyna ústimizdegi jylǵy mamyr aıynda joldanǵan bolatyn.
Búgingi tańda Afrıka Odaǵy qurlyqtaǵy 54 memleketti biriktiredi. Tarıhı turǵydan alǵanda, bul uıym 1963 jylǵy mamyr aıynda negizi qalanǵan Afrıka birligi uıymynyń murageri bolyp sanalady. Ol 2002 jylǵy 9 shildeden bastap Afrıka Odaǵy dep atalady.
70-ten astam memleket pen halyqaralyq uıym Afrıka Odaǵynda baqylaýshy mártebesine ıe. Olardyń qatarynda Reseı, AQSh, Qytaı jáne Japonııa, sondaı-aq, Eýropalyq Odaq, BUU Balalar qory (IýNISEF), Halyqaralyq Qyzyl Krest komıteti jáne t.b. bar.
Bıylǵy jyly Afrıka Odaǵy óziniń qurylǵanyna 50 jyl tolýyn atap ótti. Addıs-Abebada mamyr aıynda «Panafrıkanızm jáne afrıkalyq qaıta órleý» aıdarymen ótken HHI mereıtoılyq sammıtte basym mindetter retinde panafrıkanızm, kolonıalızmniń qalǵan formalaryna qarsy kúres jáne ulttyń ózin ózi taný quqyǵy, Erkin saýda qurlyqtyq aımaqtaryn qurý arqyly Afrıka ekonomıkalyq qoǵamdastyǵyn damytýdy qarqyndatý, kedeıshilikpen kúres, qurlyqta beıbitshilik pen qaýipsizdikti qamtamasyz etý máseleleri belgilendi.
Bul bedeldi aımaqtyq ınstıtýtta baqylaýshy mártebesin alý Qazaqstanǵa Afrıka memleketterimen ózara tıimdi saýda-ekonomıkalyq baılanystardy damytý jáne elimizdiń halyqaralyq arenada syrtqy saıası bastamalaryn ilgeriletýde geografııasyn keńeıtý turǵysynda jańa múmkindikter ashady.
«Egemen-aqparat».