Keshe Qasym-Jomart Toqaevtyń tóraǵalyq etýimen Parlament Senatynda «Otandyq ónim óndirýshilerdiń múddelerin zańnamalyq turǵydan qamtamasyz etý jáne qorǵaý, sondaı-aq, eýrazııalyq ıntegrasııa jaǵdaılarynda jáne Dúnıejúzilik saýda uıymyna (DSU) kirý kezinde olardy memlekettik qoldaý» taqyryby boıynsha parlamenttik tyńdaý boldy, dep habarlady osy palatanyń baspasóz qyzmeti.
Keshe Qasym-Jomart Toqaevtyń tóraǵalyq etýimen Parlament Senatynda «Otandyq ónim óndirýshilerdiń múddelerin zańnamalyq turǵydan qamtamasyz etý jáne qorǵaý, sondaı-aq, eýrazııalyq ıntegrasııa jaǵdaılarynda jáne Dúnıejúzilik saýda uıymyna (DSU) kirý kezinde olardy memlekettik qoldaý» taqyryby boıynsha parlamenttik tyńdaý boldy, dep habarlady osy palatanyń baspasóz qyzmeti.
Sharaǵa Parlament depýtattary, memlekettik organdardyń basshylary, aımaqtar basshylyǵynyń, bıznes qaýymdastyqtarynyń ókilderi men sarapshylar qatysty.
Jıyndy ashqan Senat Tóraǵasy Q.Toqaev qazaqstandyq zań shyǵarýshylar Keden odaǵy men Birtutas ekonomıkalyq keńistik sheńberinde ıntegrasııalyq úderisterdi tereńdetý jáne Dúnıejúzilik saýda uıymynyń talaptaryna sáıkes normatıvtik quqyqtyq bazany birizdendirý jóninde belsendi jumystar júrgizip kele jatqanyn atap ótti. Odan basqa, elimizdegi zańdardyń eleýli bóligi Dúnıejúzilik saýda uıymynyń talaptaryna sáıkes keltirildi.
Tóraǵa Qazaqstan Prezıdenti Nursultan Nazarbaevtyń Úkimettiń 11 qazandaǵy keńeıtilgen otyrysyndaǵy yqpaldastyq – biz úshin ómir talaby ekendigi, «bul rette jalpy yqpaldastyq kartınasyn jasaý, is-áreketterdiń múmkin bolatyn barlyq balama nusqalaryn ázirleý, Qazaqstannyń yqtımal shyǵyndary men paıdasyna taldaý júrgizý qajet...» degen sózine nazar aýdardy.
Parlamenttik tyńdaý barysynda Parlament Senatynyń Ekonomıkalyq damý jáne kásipkerlik komıtetiniń hatshysy Sársenbaı Eńsegenov eýrazııalyq yqpaldastyq jáne DSU-ǵa kirý jaǵdaıynda otandyq ónim óndirýshilerdi qorǵaý men qoldaýdy zańnamalyq turǵyda qamtamasyz etý máselelerine jan-jaqty toqtaldy. Senator ulttyq ekonomıkanyń básekege qabilettiligin arttyrý maqsatynda ekonomıkanyń basym sektorlaryn damytýdy yntalandyrý negizdelgen jáne ındýstrııalyq-ınnovasııalyq qyzmet sýbektilerin memlekettik qoldaý sharalary belgilengen «Indýstrııalyq-ınnovasııalyq qyzmetti memlekettik qoldaý týraly» zań qabyldanǵanyn atap ótti. Memleket basshysynyń tapsyrmasyna oraı bıznes-qurylymdardy kez kelgen bıýrokrattyq kedergiler jasalmaýyna kepildikti qarastyratyn Kásipkerlik kodeksi men «Ruqsattar men habarlamalar týraly» zańnyń jobalary ázirlenetin bolady.
Keden odaǵy qurylǵannan beri Qazaqstannyń óńdeý ónerkásibine 2009 jyly 1,8 mıllıard AQSh dollary bolǵan tikeleı ınvestısııa 2012 jyly 3,4 mıllıard AQSh dollary bolyp 88,9 paıyzǵa ulǵaıdy. Sondaı-aq, Qazaqstannyń Keden odaǵy elderimen ózara saýda qurylymdarynda oń ózgerister baıqalyp otyr. Keden odaǵy qurylǵannan beri qazaqstandyq taýarlardyń Reseıge eksporty 3,5 mıllıard AQSh dollarynan 6,7 mıllıard AQSh dollaryna deıin ósti. Bul týraly Ekonomıkalyq ıntegrasııa isteri mınıstri Janar Aıtjanova aıtty.
Indýstrııa jáne jańa tehnologııalar mınıstriniń birinshi orynbasary Albert Raý Memleket basshysynyń tapsyrmasyna oraı Ulttyq eksporttyq strategııa ázirlenip jatqanyn atap ótti. Eksportty qoldaý jáne oǵan serpin berý júıesi, sondaı-aq, memlekettik organdardyń róli men eksporttyq mindetterdi sheshýge olardy tartý dárejesin arttyrý máseleleri onyń mańyzdy quramy bolyp tabylady. Osyǵan baılanysty, Syrtqy ister mınıstrligi men Kásipkerlerdiń ulttyq palatasy ókilderiniń qatysýymen saýda ókildikteri jelisin, eksportty ilgeriletý jónindegi arnaýly ınstıtýttar qurý strategııanyń mańyzdy baǵyttarynyń biri bolyp tabylady.
Bul strategııanyń qajettigi eksporttyq arnalardy aldyn ala qalyptastyrý men syrtqy naryqtarda qazaqstandyq taýarlardy eksporttaýdy belsendi túrde údetý mańyz berilgen Indýstrııalandyrý kartasy boıynsha taýarlardy óndirýdiń kútilip otyrǵan aýqymyna negizdelgen.
Tyńdaý barysynda Batys Qazaqstan oblysynyń ákimi Nurlan Noǵaev, О́ńirlik damý mınıstriniń birinshi orynbasary Qaıyrbek О́skenbaev, Aýyl sharýashylyǵy mınıstriniń orynbasary Múslim О́mirııaev, Básekelestikti qorǵaý agenttigi tóraǵasynyń orynbasary Tımýr Baımuqanov, Ulttyq kásipkerler palatasy basqarmasynyń múshesi Rahym Oshaqbaev baıandama jasady.
Parlamenttik tyńdaý qorytyndysy boıynsha otandyq eksporttaýshylar múddelerin qorǵaýdy qamtamasyz etýge, DSU-ǵa múshe bolýdyń barlyq artyqshylyqtaryn iske asyrýǵa, álemdik naryqtyń ashylýyna baılanysty qazaqstandyq ekonomıka salalaryn jáne otandyq ónim óndirýshilerdi qorǵaýǵa baǵyttalǵan usynymdar ázirlendi.