Sýsyn shyǵaratyn jańa zaýyt

Aqtóbelikter «Rıks LTD» JShS zaýy­ty shyǵaratyn onnan astam túrli sapaly da arzan sýsyndar men shyryndardy tutynatyn bolady. Seriktestiktiń Aqtóbede ashyl­ǵan zamanaýı qondyrǵylarmen jab­dyq­tal­ǵan zaýyty saǵatyna 20 myń shyny sý­syndar shyǵarady.

Aqtóbelikter «Rıks LTD» JShS zaýy­ty shyǵaratyn onnan astam túrli sapaly da arzan sýsyndar men shyryndardy tutynatyn bolady. Seriktestiktiń Aqtóbede ashyl­ǵan zamanaýı qondyrǵylarmen jab­dyq­tal­ǵan zaýyty saǵatyna 20 myń shyny sý­syndar shyǵarady. Aýyzsý men sý­syndar shyǵaratyn bul óndiristiń negizi Almatyda 2005 jyly qalanǵan. Bul kúnde kópshilikke salqyn sháı men shól­basar sýsyndardyń nebir túrin jet­kizip otyrǵan tanymal fırmanyń Aq­tóbede jelisin keńeıtýi tegin emes. О́ıt­keni, bul óńir olar úshin tutyný­shylar tartýǵa, jan-jaqqa ónim jó­nel­týge qolaıly aımaq bolyp tabylady.

«Rıks LTD» JShS-niń Aqtóbedegi zaýytynyń ashylý saltanatynda sóz sóılegen oblys ákiminiń birinshi orynbasary Nurmuhambet Ábdibekov Údemeli ındýstrııalyq-ınnovasııalyq da­mý baǵdarlamasy aıasynda jú­zege asyrylyp otyrǵan bul jobanyń keleshegi kemel ekenine senim bildirdi.

Aqtóbede ashylǵan zaýyttyń dırektory Alekseı Mıronov bul jobany qysqa merzim ishinde júzege asyrýǵa jergilikti bı­lik organdarynyń qoldaý kór­set­kenine alǵysyn bildirdi. Ne­mistiń «Kronos» fırmasynyń jabdyqtarymen jumys isteı­tin óndiriste, joǵaryda aıt­qa­nymyzdaı, saǵatyna 20 myń shyny ártúrli sýsyndar shyǵarylady. Sýsyn, shyryn quıatyn jeliler jumys isteıdi.

Zaýyt ónimderi Aqtóbe oblysymen qatar, Qazaqstannyń batys óńirlerine, sondaı-aq, Reseıdiń kórshiles aımaqtaryna ótkiziletin bolady. Bul rette halyqaralyq dáliz joly, basqa da tasymal quraldary keńinen paıdalanylmaqshy.

Satybaldy SÁÝIRBAI,

«Egemen Qazaqstan».

Aqtóbe oblysy.