Qazaqstan valıýtasynyń 20 jyldyǵyna baılanysty 20 myń teńgelik banknot shyqty. Onyń eskızi Ulttyq bank ótkizgen baspasóz máslıhatynda kórsetildi. Bul týraly Tengrinews.kz tilshisi habarlady.
«Bul eshqandaı da ınflıasııalyq úderiske baılanysty shyǵarylyp otyrǵan joq», - dedi osyǵan oraı Ulttyq banktiń tóraǵasy Qaırat Kelimbetov.
20 myń teńgelik banknottyń úlgisin Memleket basshysyna Ulttyq banktiń burynǵy tóraǵasy Grıgorıı Marchenko kórsetken eken. Sondyqtan onda sol kisiniń qoly qoıylady. Qazaqstandyqtar jańa nomınaldy aqshanyi jyl sońyna deıin kórip qalady.
«Ekspress-K» gazetiniń jazýynsha, Qaırat Kelimbetov teńgeniń aıtarlyqtaı qunsyzdanatynyn kórip otyrǵan joq. Sebebi, buǵan naqty eki nárse – munaıdyń álemdik baǵasynyń túsip ketýi men Reseı rýbliniń devalvasııasy áser etedi. Al bulardyń ekeýinen de qazir kórinip turǵan qaýip joq. Bıylǵy jyldyń qorytyndysyndaǵy ınflıasııa deńgeıi 6 paıyzdan tómendeý bolady. Qazaqstannyń jalpy halyqaralyq rezervi 16 paıyzǵa tómendedi. Alaıda, Kelimbetov elimizdiń altyn zapasyna qosa, aldaǵy Ulttyq qordyń 100 mlrd. dollarǵa jetetinine senimdi.
Ulttyq banktiń tóraǵasy qazirgi úlken problema retinde tutyný kredıtiniń qatty ósip bara jatqanyn atady. Qazir ıpotekalyq kredıt berý rynogyndaǵy 2004-2007 jyldardaǵydaı jaǵdaıdyń qaıtalanbaýy úshin barlyq sharalar jasalyp jatyr. Taǵy bir problema Qazaqstannyń ekinshi deńgeıli bankteri portfelderindegi jumys istemeı turǵan kredıtter tóńireginen týyndaıdy.
Endi 20 myń nomınaly bar teńgeniń keskinine keleıik. Onyń bir betinde qyzdyń bet júzi kórinip tur. Ol erkindeý kıingen. Qyz tordan qusty ushyryp shyǵarýda. Al qus kúnge qaraı bet alyp barady. Al ekinshi bette sol qus tordan shyqqan qus orman alqabynyń fonynda ushyp barady.
Sáken Maılybaı.