Kaırde Mysyr ishki ister mınıstrligi terrorısterge qarsy qurylǵan jasaqtyń ofıseri oqqa ushty. Bul týraly ITAR-TASS habarlady.
Jergilikti BAQ ókilderiniń aqpary boıynsha, podpolkovnık Mýhammed Mabrýk Madınat-Nasr aýdanyndaǵy úıiniń janynda belgisiz bireýlerdiń qolynan qaza tapqan. Shabýyldaýshylar onyń basy men kókiregine jeti ret oq atyp, izderin jasyryp úlgergen. Qazirgi ýaqytta olardy izdestirý sharalary júrip jatyr.
Mýhammed Mabrýktyń IIM janyndaǵy ulttyq qaýipsizdik basqarmasynda «Musylman baýyrlar» qurylymynyń isin júrgizgeni belgili boldy. Ol negizinde 2011 jyldyń 25 qańtarynda bolǵan kóterilis kezinde Vadı-en-Natrýn túrmesinen ıslamısterdiń jappaı qashý oqıǵasy boıynsha tergeý jumystaryn júrgizgen. Sondaı-aq ol Mýhammed Mýrsıdiń qyzmetinen shettetilýinen keıin birden kóbeıip ketken radıkaldy toptardyń monıtorıngimen aınalysqan.
Aıdar О́risbaev.