Astanada áıelder arasynda ITF týrnıriniń kezekti jarysy ótip, onda Qazaqstannyń jas tennısshisi Kámıla Kerimbaeva jeńimpaz atandy. Osyǵan oraı Memleket basshysy Nursultan Nazarbaev ony telefon arqyly jeńisimen quttyqtady.
Astanada áıelder arasynda ITF týrnıriniń kezekti jarysy ótip, onda Qazaqstannyń jas tennısshisi Kámıla Kerimbaeva jeńimpaz atandy. Osyǵan oraı Memleket basshysy Nursultan Nazarbaev ony telefon arqyly jeńisimen quttyqtady.
ITF týrnıri – halyqaralyq tennıster qaýymdastyǵynyń (WTA) qamqorlyǵymen áıelder arasynda ótetin úlken jarystardyń biri. Ol jas tennısshilerdiń bolashaqta WTA-nyń úlken týrnırlerine qatysýy úshin ótkiziledi. Osy synda Kámıla Kerimbaeva alǵash ret úlken jetistigine jetti. Ol Astanada ótken týrnırde ózbek tennısshisi Albına Habıbýlınany eki partııada 6:1, 6:3 esepterimen utty. Buǵan deıin Kámıla óz elimizde úlken halyqaralyq jarystarda mundaı bıik tuǵyrǵa kóterilgen emes edi. Sondyqtan, muny onyń ómirindegi eń joǵary nátıje deýge bolady.
– Bul – meniń elimizde ótken úlken jarystardaǵy alǵashqy jeńisim. Osy synǵa besinshi nómirli tennısshi retinde qatystym. Meniń jeńimpaz atanatynyma kóp adam sengen joq, – dedi ol. – Týrnırdiń jeńimpazdyǵyn qyrǵyzstandyq Ksenııa Palkınadan kútti. Men aldyma tek jeńiske jetý kerek degen maqsat qoıdym. Fınalǵa jaqsy daıyndyqpen shyǵyp, qarsylasymdy qınalmaı uttym desem bolady.
Kámılanyń ózbek tennısshisimen ótken kezdesýi týra 1,5 saǵatqa sozyldy. Osy kezdesýde eki jaq jeńiske jetý úshin baryn salyp baqty. О́zbek qyzy da osal tennısshi emes. Ol da Astanaǵa tek jeńimpaz atanýǵa kelgen tennısshilerdiń biri. Soǵan qaramastan, K.Kerimbaeva fınalda qarsylasyn utyp, bıylǵy halyqaralyq jarystarda osymen ekinshi ret jeńiske jetti.
K.Kerimbaeva bıylǵy alǵashqy jeńisine Egıpette ótken halyqaralyq synda jetken edi. Sol kezdegi týrnır de jas tennısshimizge asa qıynǵa soqpady. Ol ózimen qurdas sportshylardyń bárinen basymdyq tanytyp, jarystyń nómiri birinshi raketkasyna aınaldy.
Dastan KENJALIN,
«Egemen Qazaqstan».