Bul kúnderi Italııa men Ispanııa tas joldarynda velosporttan jyldyń eń sońǵy jarysy ótip jatqany belgili. Ázirshe, «Výeltaǵa» qaraǵanda «Djıro d’Italııada» synǵa túsip jatqan «Astana» ókilderi táýir nátıje kórsetýde.
Italııadaǵy jarystyń 20-kezeńinde «Astana» kapıtany máre syzyǵyn 18-shi bolyp kesti. Al bul kezeńde Teo Geıgan Hart (Team INEOS Grenadiers) top jardy. Jalpy esepte Djeıý Hındlı (Team Sunweb) kósh bastap keledi. Al «Astana» kapıtany altynshy orynda tur.
«Ispanııa Výeltasynyń» besinshi kezeńinde Tım Vellens (Lotto Soudal) aldyna jan salmady. Márege qalyń toppen birge jetken «Astananyń» ıspanııalyq veloshabandozy Aleks Aranbýrý kezeńdi altynshy orynmen qorytyndylady. 5-kezeńniń nátıjesi boıynsha, jalpy esepte Prımoj Roglıch qyzyl jeıdege ıelik etýde. «Astana» komandasynyń ókilderinen eń jaqsy nátıje Gorka Isagırrege tıesili. Ol 19-orynda keledi.