Fýtboldan Chempıondar lıgasynyń ekinshi týr oıyndary bastaldy. Básekeniń alǵashqy kúninde 4 toptyń komandalary ózara kezdesti.
A tobynda óner kórsetetin Madrıdtiń «Atletıkosy» óz alańynda «Zalsbýrg» klýbyn qabyldap, teń oıyndy qanaǵat tutty. Toptaǵy ekinshi oıynda «Bavarııa» qonaqta Reseıdiń «Lokomotıv» komandasyn 2:1 esebimen jeńdi. V tobyndaǵy eki oıyn da teń nátıjemen aıaqtaldy. О́tken týrda «Shahtıorden» jeńilgen «Real» bul joly «Borýssııa M» (2:2) klýbynan utylyp jatyp, sońǵy mınýttarda esepti teńestirip ketti. Al «Inter» Doneskide «Shahtıor» (0:0) qaqpasyna gol soǵa almady.
S tobyndaǵy favorıt komandalar esh qıyndyqsyz jeńiske jetti. «Manchester Sıtı» syrt alańda «Marsel» klýbynan (3:0), «Portý» óz jerinde «Olımpıakostan» (2:0) basym tústi. D tobynda baq synaıtyn «Lıverpýl» ekinshi quram oıynshylarymen «Mıdtıýllandty» (2:0) qapy qaldyrsa, «Atalanta» men «Aıaks» (2:2) oıynynda jeńimpaz komanda anyqtalmady.