Bank júıesindegi depozıtter bıylǵy qyrkúıek aıynyń sońynda 21,4 trıllıon teńgeni qurady. Bul týraly Ulttyq Bank tóraǵasynyń orynbasary Aqyljan Baımaǵambetov 2020-2022 jyldarǵa arnalǵan respýblıkalyq bıýdjetke túzetýler engizý máselesi boıynsha senattyń jalpy otyrysynda aıtty, - dep habarlaıdy Egemen.kz
"Bıylǵy qyrkúıektiń sońynda bank júıesindegi depozıtter jyl basynan beri 12,4 paıyzǵa ulǵaıyp, 21,4 trln teńgeni qurady. Teńgemen salymdar 12,6 trln teńgege deıin 16,7 paıyzǵa, valıýtalyq salymdar – 8,7 trln teńgege deıin 6,6 paıyzǵa ósti", - dedi A. Baımaǵambetov,
Onyń aıtýynsha, teńgemen aktıvterdi qorǵaý boıynsha jedel sharalardyń nátıjesinde depozıtterdi dollarlandyrý 2020 jylǵy 9 aıdyń qorytyndysy boıynsha 40,9 paıyzǵa deıin (2020 jylǵy naýryzda 46,7%) tómendedi.