Qazirgi ýaqytta Eýrazııalyq ekonomıkalyq komıssııa alańynda fıskaldyq baqylaý tetigin engizý máseleleri belsendi talqylanyp jatyr.
Fıskaldyq baqylaý tetigin qalyptastyrýdyń maqsaty – qosymsha qun salyǵy nóldik mólsherlemesin avtomatty túrde rastaý, janama salyqtardy tóleý týraly ótinishtiń elektrondy formatyna kóshý jáne EAEO ózara saýdasynda taýarlardy ótkizýdiń ashyqtyǵyn qamtamasyz etý.
Ázirlenip jatqan tetik QQS-tyń nóldik mólsherlemesin qoldanýdy rastaý jáne taýarlar eksporty kezinde QQS-yn qaıtarý rásimin ońaılatýǵa, sondaı-aq EAEO-qa múshe memleketterdiń salyq organdary arasynda ózara aqparat almasý arqyly bızneske ákimshilik júktemeni aıtarlyqtaı tómendetýge tıis.
Qazaqstandyq tarap fıskaldyq baqylaý tetigin iske asyrý maqsatynda Qazaqstan Respýblıkasyndaǵy taýarlarǵa ilespe júkqujattardyń (TIJ) jumys tetigin tanystyrdy. Taraptar qazaqstandyq tásildi tujyrymdamalyq túrde qoldady.
Eske sala keteıik, 2020 jylǵy 9 qazanda ótken Eýrazııalyq Úkimetaralyq keńes otyrysynda Qazaqstan Respýblıkasynyń Premer-Mınıstri Asqar Mamın EAEO sıfrly ıntegrasııalyq platformasy jáne EAEO-qa múshe memleketterdiń salyq jáne keden organdarynyń keńeıtilgen elektrondy ózara is-qımyly arqyly ózara saýdadaǵy salyqtardy ákimshilendirýdi sıfrlandyrý máselesin pysyqtaýdy usynǵan bolatyn.