Batys Qazaqstan oblysy Qaratóbe aýdanynda 3 jasar bala koronavırýs juqtyrdy, dep habarlaıdy Egemen.kz oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetine silteme jasap.
"Balaǵa operasııa jasalmaı turyp, odan COVID-19 vırýsynyń bar-joǵyn bilý úshin PTR-test alyndy. Test oń nátıjesi oń bolyp shyqty. Ol balabaqshadaǵy kezekshi topqa barǵan. Qazir mektepke deıingi bilim berý mekemesi karantınge jabyldy. Balabaqshadaǵy barlyq tárbıeshi men balalar COVID-19 vırýsynyń bar-joǵyna test tapsyrdy. Onyń nátıjesi ázirge shyqqan joq. Balabaqsha ǵımaratynda dezınfeksııa jumystary júrgizilip jatyr", delingen habarlamada.
Eske sala keteıik, BQO-da koronavırýs juqtyrǵandar sany 7050-ge jetti, 121 adam qaıtys boldy, 6 846 naýqas jazylyp shyqty.