Vırýs qursaýyndaǵy Eýropa

Fransııada ekinshi jalpy­ulttyq karantın jarııalandy. 30 qazanda úkimet azamattarǵa asa úlken qa­jet­tiliksiz úıden shyǵýǵa tyıym sal­dy. Bul jo­ly da naýryzdaǵy ka­ran­tın­degideı jazbasha ruqsaty bol­maıynsha, dalada júrýge shek­teý qoıyldy. Dúkender, meıram­ha­nalar men mektepter jumy­syn toqtatty. Bul shekteý­ler ázirge 1 jel­toqsanǵa deıin beki­tilgen. Alaı­da Besinshi respýblıka úkimeti jaǵdaı túzel­mese, shek­teý­lerdi uzartýdy josparlap otyr.

Al Germanııa 2 qarashadan bastap jańa erejeler engizdi. Elde kınotea­trlar, teatrlar, sport zaldary men meıramhanalar jabyldy. Úlken jıyndarǵa tyıym salyndy. Iаǵnı 10-nan artyq adam jınalǵan jıyn uıymdastyrýshylaryna aıyp­pul salynatyny eskertildi. Degenmen mektepter jumysyn jalǵastyrýda. Balabaqshalar da baldyrǵandarǵa ashyq.

Jańa erejeler dúkender men shashtarazdarǵa qatysty bolmaı shyqty. Olar adam sanyn shamadan asyrmaı jumys isteı alady. Úkimet qaýlysyna sáıkes Germanııa halqy jańa erejelerdi 30 qarashaǵa deıin saqtaýy tıis.

Italııa karantın rejimi ózgere­tinin keshe habarlady. Jumysyn toqtatpaǵan mýzeıler búginnen bas­tap ónersúıer qaýymdy qýanta almaıtyn boldy. Jańa erejege saı memleket qyzyl, qyzǵylt jáne jasyl aımaqtarǵa bólinedi. Ár túske saı shekteýler de alýan. Máselen, qyzyl aımaq – vırýs juqtyrý qaýpi joǵary eldi mekender. Onda barlyq qoǵamdyq oryn jabylǵan. Qyzǵylt zonadaǵy shashtarazdar men keıbir dúkender ashyq. Al jasyl zonadaǵy qoǵamdyq oryn­dar 18:00-ge deıin jumys isteı alady. Degenmen toı, jer­leý rásimin ót­kizýge tyıym bar. Mektepter ashyq, degen­men joǵary synyp oqý­shylary adam sanyn kóbeıtpes úshin qashyqtan oqýǵa kóshken. Bar­lyq jerde medısınalyq maska taǵyp júrý mindettelgen.

Ispanııa da kórshiles elder­men ilesip jańa erejelerdi ta­nystyrdy. Memlekette komen­danttyq saǵat jarııalandy. 25 qazannan bas­tap Ispanııa hal­qy 23:00 men 06:00 arasynda kó­shege shyqpaıdy. Jumys­qa baryp-kelý, dárihana men dúkenge shyǵýdan basqaǵa ruqsat joq. Úkimet málimdemesine sensek, jańa ereje keler jyldyń mamy­ryna deıin kúshin joǵalt­paıdy. Altaýdan artyq adam qatysatyn jıynǵa aıyppul salynady. Áıtse de joǵaryda aıtylǵan erejeler Kanar araldarynda mindetti emes.

Belgııa úkimeti azamattaryna qatań shekteý qoıǵan joq. Mundaǵy qoǵamdyq oryndar jeltoqsannyń ortasyna deıin keshki onǵa deıin jumys isteı ala­dy. Kúzgi kanıkýl qara­sha­nyń ortasyna deıin uzar­tyl­dy. Úıden jumys isteýge keńes berilgenimen, jumysqa barý­ǵa ty­ıym salynbaǵan. Vo­lo­nııa men el astanasy Brıýs­sel­de 22:00 men 06:00 arasyn­da kóshe­de sebepsiz júrýge bolmaıdy.

Rojdestvolyq festıval­dar men jármeńkeler ótkizil­meıtin boldy. Sol sebepti Eý­ro­pa asyǵa kútetin Roj­dest­vo bıyl burynǵydan óz­geshe bolǵaly tur. Sporttyq ja­rys­tar men jankúıerler de qapa­ly. О́ıtkeni ondaı jıyn­darǵa úkimet áli de ruqsat bermeı otyr.

Portýgalııa 121 mýnısıpa­lı­­te­tiniń qaýipti aımaqqa aınal­ǵanyn málimdedi. Olarda halyqtyń 70 paıyzy sho­ǵyrlanǵan. Sondyqtan halyqqa sebepsiz úıden shyǵýǵa bolmaıdy. Merekelik sharalarǵa da tyıym salyndy, dinı merekeler de toılanbaıdy. Qoǵamdyq oryndar jumysyn toqtatqanyn aıtpaǵanda, janarmaı quıý stansalary da keshki segizge deıin jumys isteı alady.

Nıderland úkimeti úıge kele­tin qonaq sanyna da shekteý qoıdy. Budan bylaı úıge úsh adamnan artyq kelýge tyıym salynǵan. Syrtta tórt adam­nan artyq jınalýǵa bol­maı­dy. Mektepter, haýyzdar ju­my­­syn jalǵastyryp jatyr. 18-ge tolmaǵan balalar sport­tyq jarys­tar­ǵa qatysa alady, sport­pen aı­nalysýǵa shekteý joq.

Chehııa Eýroodaqtaǵy karan­tın jarııalaǵan alǵashqy el bolyp otyr. Buǵan deıin shek­teý­lerdiń 3 qarashaǵa deıin bolatynyn aıtsa, jaqynda onyń 20 qarashaǵa deıin uzartylǵany málim boldy.

Danııada jaǵdaı turaqty bol­ǵanymen, qoǵamdyq orynda jı­nalýǵa ruqsat etilgen adam sany 50-den 10-ǵa qysqartyldy. Elde saǵat 22:00-den keıin alkogol ónimderi sa­tylmaıdy. Medısınalyq mas­ka taǵý bárine mindetteldi. Jańa erejelerdi qańtarǵa deıin saqtaý talap etilgen.

Shvesııanyń vırýstyń tara­lýy­na qarsy sharalar qol­dan­baǵany odaqtas memleketterdiń úreıin týǵyzǵany málim. Kór­shiles elder synaǵanymen qoı­maı, Shvesııa azamattaryn elderine kirgizýden bas tartty.

Úkimet áleýmettik qashyq­tyq syndy qorǵanys sharalaryn jarııa­lamaǵanmen, azamat­tar óz qalaýymen 2 metr ara qa­shyqtyq saqtap, keıbir qury­lymdar qashyqtan jumys is­teýge kóshti. Sońǵy statıstıka el­degi naýqastar sanynyń art­qanyn kórsetip otyr, alaıda jaǵdaı basqa elderdegideı aýyr emes. Úkimet áli de maska taǵýdy mindettemese de, meıram­hanalarda bir ústelde 8 adam­­nan artyq jınalýǵa tyıy­m saldy. Eldegi 21 aımaq­tyń úsheýinde, atap aıtar bolsaq, el astanasy Stokgolm men Geteborg jáne Mal­me turǵyndaryna qoǵamdyq kó­lik­terden bas tartý, úlken saýda ortalyqtaryna, mýzeıler men konsertterge barmaý sııaqty keńester berilgen.