Memlekettik qyzmettegi tálimgerlik jas mamandardy beıimdeý men oqytýdyń synnan ótken ári tıimdi ádisi retinde tanylýda. Tálimgerlikti uıymdastyrý máselelerin talqylaý úshin Memlekettik qyzmet isteri agenttiginiń Aqmola oblysy boıynsha departamenti onlaın rejimde «Kásibı memlekettik qyzmet – eldiń tiregi» taqyrybynda TEDx uıymdastyrdy. Is-sharaǵa memlekettik qyzmettegi tájirıbesi mol tálimgerler men memlekettik qyzmetke alǵash qadam basqan jastar qatysty.
Departament basshysynyń orynbasary Raıhan Brataeva jastardy damýdyń qozǵaýshy kúshi, qoǵamnyń áldeqaıda belsendi, bastamashyl toby ekenin, sondyqtan da memlekettik qyzmette jas mamandarǵa erekshe kóńil bólinetinin jáne synaq kezeńinde olarǵa jyldam beıimdelý úshin tálimgerler taǵaıyndalatynyn atap ótti.
«Tálimgerlik ınstıtýty – jas memlekettik qyzmetshilerdiń kásibıligin arttyrýdyń qozǵaýshy kúshi. Jyl basynan beri 261 jas maman tálimgerlikpen qamtyldy», dep R.Brataeva atap ótti.
Is-sharada departament uıymdastyrǵan, alǵash ret qabyldanǵan memlekettik qyzmetshiler arasynda ótkizilgen jasyryn onlaın saýaldamanyń qorytyndylary usynyldy. Saýaldamaǵa qatysqan jas mamandardyń 98,5%-y tálimgerlik ınstıtýtynyń tıimdiligine oń baǵa berdi.
Tálimgerler tálimgerlik qyzmetti uıymdastyrýdaǵy óz tájirıbelerimen, kásibı beıimdelý salasyndaǵy ıdeıalarymen jáne keńesterimen bólisti. TEDx-tiń alǵashqy spıkeri retinde Jarqaıyń aýdany ákimi apparatynyń biryńǵaı personaldy basqarý qyzmetiniń basshysy Nıkolaı Podrezov sóz sóılep, tálimgerlikti uıymdastyrý kezindegi ózekti máselelerdi jıi talqylaýǵa erekshe nazar aýdardy. Onyń aıtýynsha, bul ózgeristerge ýaqtyly den qoıýǵa jáne jedel sheshimder qabyldaýǵa múmkindik beredi.
Aqmola oblysy qurylys basqarmasy basshysynyń orynbasary Elena Iskakova qoıylǵan maqsatqa jetý úshin óz bilimin únemi tolyqtyryp otyrý, ózin-ózi damytýmen aınalysý, ujymnyń qoǵamdyq ómirine belsendi qatysý jáne patrıot bolý qajettigin atap ótti.
R.Brataeva E.Iskakovanyń mansaptyq ilgerileýdiń jarqyn mysaly ekeni, memlekettik qyzmet júıesinde 20 jyldan astam ýaqyt jumys istep, óz qyzmetin bas maman laýazymynan bastaǵanyn atap ótti.
Zerendi aýdany ákimi apparatynyń biryńǵaı personaldy basqarý qyzmetiniń basshysy Janna Ibraımova óziniń tálimgerlik qyzmetindegi jeke tájirıbesimen bólisti. «Memlekettik qyzmetke alǵash kelgen kezde jumysta belgili bir qıyndyqtardy bastan keshirdim. Tálimger maǵan osy qıyndyqtardan súrinbeı ótýge kómektesti. Eki jyldan keıin men kadr qyzmetiniń basshysy bolyp taǵaıyndaldym jáne meniń osylaı kásibı turǵyda ósýim tálimgerlik ınstıtýtynyń arqasynda boldy. Búgingi tańda men jas mamandardyń tárbıesine zor kóńil bólemin», deıdi J.Ibraımova.
Is-shara sońynda memlekettik qyzmetke alǵash qadam basqan jas mamandar TEDx-ti uıymdastyrǵany úshin rızashylyǵyn bildirdi.
«Men úshin tálimgerdiń róli qundy. Ol árqashan kúrdeli mindetterdi sheshýge kómektesedi, paıdaly keńester beredi. Kásibı qoldaýdy seziný óte mańyzdy», deıdi synaqtan ótip jatqan memlekettik qyzmetshilerdiń biri.
Is-sharaǵa qatysýshylar ózderin tolǵandyrǵan suraqtaryn qoıdy.
«Aǵa býynnyń jınaqtalǵan kóp jyldyq tájirıbesi qyzmetkerlerdiń jas býyny úshin árqashan mańyzdy bolǵan jáne bolyp qala beredi. Búgingi is-shara tálimgerler úshin de, jas memlekettik qyzmetkerler úshin de paıdaly boldy dep oılaımyz», deıdi jıyndy uıymdastyrýshylar.
Jazıra TOQTAR,
Memlekettik qyzmet isteri agenttigi Aqmola oblysy boıynsha departamentiniń qyzmetkeri