Kún saıyn jańa týǵan náresteler men KVI bar balalardyń hal-ahýalyna monıtorıng júrgiziledi. 3164 balada COVID-19 dıagnozy rastaldy, bul eldegi barlyq KVI juqtyrǵandardyń 3%-yn quraıdy. 114 nárestede PTR-test nátıjesi oń bolyp shyqty, - dep habarlaıdy Egemen.kz
«COVID-19 dıagnozy zerthanalyq rastalmaǵan KVI (-) 1810 bala tirkeldi. Balalar arasynda KVI saldarynan bolǵan ólim-jitim joq. Koronavırýstyq ınfeksııanyń aǵymy balalardyń 85%-ynda sımptomsyz jáne jeńil boldy, ortasha - 14,2% jáne 19 balada aýyr ótti. Barlyǵy stasıonarly emdeldi. Búgingi tańda COVID-19 bar 340 bala baqylaýǵa alyndy, onyń ishinde úsheýi - jańa týǵan náreste, 337-si - 18 jasqa deıingi balalar, aýrýhanaǵa jatqyzylǵandar – 55, 285 bala ambýlatorııalyq em qabyldaýda», - dedi spıker.
7 balada COVID-19 asqynýynyń belgisi retinde vırýstyq pnevmonııa, úsh naýqasta pnevmonııa negizinen bakterııalyq sıpattaǵy pnevmonııa anyqtaldy.
Taǵy 200 oqýshy dárigerlerdiń baqylaýynda, sondaı-aq balabaqshalardyń kezekshi toptarynan 18 bala, ınternattan 21 bala bar. Onyń ishinde 14 bala ShQO devıantty minez-qulyqty balalarǵa arnalǵan oblystyq arnaıy mektep-ınternatynan, SQO Mamlıýt orta mektep-ınternatynyń 7 tárbıelenýshisi bar. COVID-19 jeńil túrde ótýde.
Tamyz aıynan bastap 42 balada COVID–19 (Kavasakı-uqsas sındrom) baılanysty mýltıjúıelik qabyný sındromy tirkeldi. Qazirgi ýaqytta mundaı dıagnozy bar naýqastar joq.