Qaraǵandydaǵy Oktıabr aýdanynda oryn tepken jer úıde órt aıaqastynan burq ete qalǵan. Dál sol kezde Damır Orazbekov esimdi jas jigit bir sharýalarymen álgi úıdiń janynan ótip bara jatypty...
Kenet bir áıeldiń attan salǵan daýysyn estigen. Qarasa, aıǵaı salǵan áıel janǵan úıge qaraı janushyra júgirip barady eken. Túsingeni – ot ishinde balalar qalypty.
Oılanyp turýǵa ýaqyt joq edi. Damır jalyn tili terezeden sýmańdaı shyǵyp jatqan úıdiń ishine qoıyp ketken. Tórt bólmeniń ishi túk kórinbeıtin tútin eken. Áıteýir, janushyra júrip jas shamalary 12-14 aralyǵyndaǵy eki er balany syrtqa alyp shyǵady. Sodan keıin, bul mezgilde tipti de órshı túsken órt ishine qaıta súńgip, edende qulap jatqan keıýanany da qutqaryp qaldy.
Kelesi kúni Qaraǵandy oblystyq tótenshe jaǵdaılar departamenti basshylyǵynyń atyna mynadaı mazmundaǵy hat kelip tústi: «О́rtke qarsy qyzmet qyzmetkeri Damır Orazbekovke jáne ár mınýt saıyn kómekke kelýge daıar qyzmetkerlerdi tárbıelegen onyń basshylyǵyna alǵysymdy bildirgim keledi». Bul hattyń avtory balalary ajaldan aman qalǵan Tamara Andreevna degen turǵyn eken.
Sóıtse, Damır Orazbekov degen ójet jigit Qaraǵandy oblysy TJD О́rt sóndirý jáne apattyq-qutqarý jumystary qyzmetiniń №12 órt sóndirý bólimshesinde komandır sanatynda qyzmet etetin bolyp shyqty. Dál sol órt bolǵan kúni ol demalysta júripti...
QARAǴANDY