Túrkistan oblysy Saryaǵash aýdanyna bıyldyń 9 aıynda 70 myńǵa jýyq týrıst kelgen. Olarǵa 47 emdik - saýyqtyrý shıpajaıy, balalar shıpajaıy, balalar saýyqtyrý lageri, golf klýby jáne 21 qonaqúı qyzmet kórsetti. Sondaı-aq bıyl týrızm salasyn damytý maqsatynda jalpy quny 450 mln teńge bolatyn 4 nysan iske qosylyp, 80 adam jumyspen qamtyldy, dep habarlaıdy Egemen.kz.
О́ńirlik kommýnıkasııalar qyzmetinde ótken brıfıngte Saryaǵash aýdanynyń ákimi Muhıt Otarshıev aýdanda jalpy 4,3 mlrd teńgege 22 nysannyń qurylystary júrgizilip jatqanyn atap ótti.
"Onyń ishinde, aýyzsýmen qamtý boıynsha 2 nysan, turǵyn úı qurylysy boıynsha 2 nysan paıdalanýǵa berildi. Jyl sońyna deıin 8 nysannyń qurylys jumystary aıaqtalyp, qalǵan 10 nysan kelesi jylǵa ótpeli bolady. Halyqty tabıǵı gazben qamtý úlesi jóninde aıta ketsem, ótken jyly 50,7 paıyz bolsa, bıyl bul kórsetkishti 69 paıyzǵa jetkizýdi josparlap otyrmyz. Al, aýyzsýmen qamtý búgingi tańǵa 50,7 paıyz bolsa, jyl sońyna deıin 56,3 paıyzǵa jetkizemiz dep otyrmyz. Sapaly elektr energııasymen aýdan halqynyń 98,5 paıyzy qamtylǵan", dedi aýdan ákimi.
Jalpy aýdanda bıyl respýblıkalyq jáne jergilikti bıýdjet esebinen 55,2 shaqyrym bolatyn 34 kósheni ortasha jóndeý jumystaryna jáne jańa kópir qurylysyna 1 591,7 mln teńge qarjy qaralǵan. Bul jumystardy qarasha aıynda tolyǵymen aıaqtaý josparlanýda.