Sıfrly tehnologııalardy damytý mańyzdy

Buǵan qosa halyqaralyq tasymaldaýdy júzege asyrý kezinde TMD-ǵa qatysýshy memleketterdiń aýmaqtarynda kólik qaýipsizdigin qamtamasyz etý strategııasyn iske asyrý jónindegi is-sharalar jospary jáne uıymǵa múshe memleketterdiń gýmanıtarlyq yntymaqtastyǵy salasyndaǵy basym baǵyttar aıqyndaldy.

Qyzmettiń túrli baǵyttary boıynsha aldyn ala kelisilgen bir­qatar qujatqa, atap aıtqan­da, beıbit maqsattarda atom ener­gııasyn paıdalaný, soǵys arda­gerleri – jergilikti janjal­darǵa qatysýshylar men olar­dyń otbasy músheleriniń ómir súrý sapa­syn arttyrý sala­syndaǵy ynty­maqtastyq baǵdar­la­ma­lary­na, sondaı-aq ınnova­sııa­larǵa tal­qylaýsyz qol qoıyldy.

Sol sekildi qoǵamnyń sıfr­ly damý sala­syn­daǵy ózara is-qı­myldaryn reglamentteıtin keli­­simge qol qoıyldy. Soǵan sáıkes memle­ket­ter­diń bıýdjetterinen qosymsha shyǵyndar tar­tyl­­maıdy. Kásipkerlik sýbektileriniń quqyq­tary shek­telmeıtindeı, Qazaqstan zańnamasyna qaıshy kel­meıtin jáne ratı­fı­ka­sııa­laýǵa jatpaıtyn tus­tary qaras­ty­rylǵan dedi jaýapty organ ókil­deri.

Yntymaqtastyq birneshe baǵytty qamtıdy. Onyń ishin­de sıfrly ekojúıeni jáne aqpa­rattyq qaýipsizdikti damytý ba­ǵy­ty, AKT damytý, kadrlyq da­mý jáne normatıvtik-quqyqtyq ret­teý bóliginde tájirıbe almasý boıynsha júzege asyrylatyn bolady.

Kelisim kúshine engennen ke­ıin quzyretti organdardyń tiz­bes­in qalyptastyrý, aqparattyq óza­ra is-qımyl tártibin, osy sa­la­da ózara is-qımyldy júze­ge asy­rý kezinde beriletin aqpa­rat­tyń sıpatyn aıqyndaý kózde­ledi.

TMD Úkimet basshylary keńe­siniń kelesi otyrysy kelesi jyly 28 mamyrda Mınskide ótedi.