Ieleri júrgizýshi kýáliginen aıyrylǵan kólik quraldarynyń nómirlerin endi júıe anyqtaıdy. Bul týraly Nur-Sultan qalasy ákiminiń orynbasary Malıka Bekturova óziniń Telegram arnasynda jazdy, dep habarlaıdy Egemen.kz
"Eger joldaǵy kameralar mundaı mashınalardy anyqtasa, olardyń qozǵalysy týraly aqparat birden polısııa qyzmetkerlerine túsedi. Júıeniń múmkindikteri aǵynnan "qaýipti avtokólikti" jaqyn mańdaǵy polısııa beketinen 3-6 km qashyqtyqta anyqtaýǵa múmkindik beredi. Ári qaraı mundaı júrgizýshiniń baǵytyn birneshe sekýndqa deıin esepteýge bolady", dedi Malıka Bekturova.
Eki aptadan astam ýaqyt ishinde elordalyq polısııa qyzmetkerleri alkogoldik nemese esirtkilik mas kúıinde kólik quralyn basqarǵany úshin 108 adamdy jaýapqa tartty. Olardyń toǵyzy buryn jol erejesin buzǵany úshin júrgizýshi kýáliginen aıyrylǵan.