19 qarasha kúni Nur-Sultan qalasynda «ADAL» saıası partııasynyń VII sezi ótti. Is-shara barysynda Májilis depýtattyǵyna kandıdattardyń partııalyq tizimi bekitildi. Is-shara barysynda QR Parlament Májilisine partııalyq tizim jarııalandy, saılaýaldy baǵdarlamanyń jobasy usynyldy jáne partııanyń ınteraktıvti saıty tanystyryldy. Bul týraly partııanyń baspasóz qyzmeti habarlady.
Saıası keńes delegattary men músheleriniń daýys berý qorytyndysy boıynsha «ADAL» partııasynan Májilis mandatyna kandıdattar tizimine 20 adam endi:
Serik Sultanǵalı - «ADAL» partııasynyń tóraǵasy; Eldar Jumaǵazıev – memleket jáne qoǵam qaıratkeri, birqatar bilim jáne áleýmettik jobalardyń avtory, ekonomıst, saıasattanýshy; Ardaq Nazarov - belgili sportshy, qoǵam belsendisi; Maqsat Tolyqbaı - belgili telejýrnalıst, «Ashyq alań» telejobasynyń júrgizýshisi, Maltabu.kz saıtynyń avtory; Almasbek Sadyrbaev - predsedatel Nasıonalnoı assosıasıı ovsevodov Kazahstana «Shopan Ata» Qazaqstan qoı ósirýshiler qaýymdastyǵynyń tóraǵasy; Dáýlet Muqaev - telejýrnalıst, qoǵam belsendisi; Oljas Ordabaev - «Atameken» ulttyq kásipkerler palatasy tóraǵasynyń orynbasary, bilim berý salasynyń sarapshysy; Jıgýlı Daırabaev – «Qazaqstan fermerler odaǵy» respýblıkalyq qoǵamdyq birlestiginiń prezıdenti; Nurlybek Malelov - qarjyger, memleket qaıratkeri; Ǵalymbek Jaqsylyqov – qoǵam qaıratkeri, Qyzylorda oblysynyń belsendi turǵyny; Laýra Malıkova – «Tájirıbeli ekologtar qaýymdastyǵynyń» tóraǵasy; Igor Shaskıı – kásipkerler quqyǵyn qorǵaý jónindegi sarapshy; Alına Abdrahmanova - bıznes-bilim berý salasyn basqarý jónindegi maman, sarapshy; Halıola Akdrashev – kásipker; Lıazzat Chınkısbaeva - «Meniń Atamekenim» áleýmettik qorynyń tóraǵasy; Murat Qojamqulov – partııanyń Nur-Sultan qalalyq fılıalynyń tóraǵasy; Ǵanı Abadan - partııanyń Almaty qalalyq fılıalynyń tóraǵasy; Tımýr Abdykarımov – partııanyń Mańǵystaý oblastyq fılıalynyń tóraǵasy; Aqmaral Bekmurzaeva - bıznes-trener, kásipker; Ánýar Kerembaev – ekonomıka sarapshysy.Sondaı-aq, saıası keńes pen óńir delegattary bekitken saılaýaldy baǵdarlamanyń jobasy usynyldy. Qujat 5 negizgi baǵyttan turady:
Halyqtyń ómir sapasyn kóterý; Kásipkerlik – damyǵan memlekettiń irgetasy; Agroónerkásiptik keshendi damytýǵa basymdyq berý; О́ńirlerdiń órkendeýi – qýatty memleket dińgegi; О́mirge qolaıly memleket.