Erkin kúresten Almatydaǵy "Dostyq" sport kesheninde ótip jatqan Qazaqstan chempıonatynda búgin 65 kılo salmaq dárejesiniń jeńimpazdary men júldegerleri anyqtaldy, dep habarlaıdy Egemen.kz.
65 kılo salmaq dárejesindegi balýandar arasyndaǵy beldesýler óte shıelenisti ótti. Kileń kókjaldar arasynan qyzylordalyq Dáýlet Nııazbekov pen qaraǵandylyq Ádil Ospanov sýyrylyp shyqty. Bul básekede Syr boıy sańlaǵynyń jeńetinine eshkimniń kúmáni bolmady. О́ıtkeni, Dáýlettiń álem chempıonatynyń kúmis jáne qola júldegeri, Azııanyń úsh dúrkin chempıony degen ataqtary bar. Ádil ondaı jetistigimen maqtana almaıdy.
Aıtqandaı-aq, fınaldyq saıys Nııazbekovtiń aıqyn basymdyǵyn aıaqtaldy. Esep – 9:0. Jambyldyq Nursultan Sadyq pen shyǵysqazaqstandyq Oljas Oljaqanov úshinshi satyǵa jaıǵasty.