«Shymkent – TMD elderiniń mádenı astanasy 2020» jylynyń saltanatty jabylý rásimi onlaın formatta «Sıtadel» tarıhı-mádenı kesheninde ótti, dep habarlaıdy Egemen.kz.
Is-shara Ońtústik TV jáne YouTube-ta Bridge TV arnalarynda kórsetildi.
Shymkent qalasynyń ákimi Murat Áıtenov merekeli jyldy qorytyndylap, TMD mádenı astanasy estafetasyn Dýshanbe qalasynyń tóraǵasy Rýstamı Emomalıǵa tabystady.–Shymkent – 2200 jyldyq tarıhy bar kóne shahar. Osynaý tarıhı qalamyzdyń TMD elderiniń mádenı astanasy atanýy biz úshin úlken mártebe. Sonymen birge, IýNESKO bıyl qalamyzdyń tarıhy keminde 2 200 jyldan syr shertetinin resmı málimdedi. Osyndaı tarıhı sátterdiń qarsańynda Elbasy mıllıon turǵyny bar, shýaqty Shymkent qalasyna respýblıkalyq mańyzy bar qala mártebesin berdi. Memleket basshysy Q.Toqaev Shymkent qalasynyń áleýmettik-ekonomıkalyq damýyna aıryqsha mán berip otyr. Bizdiń qalamyz ǵasyrlar boıy búkil Azııanyń óneri men mádenı murasy toǵysqan iri ortalyqqa aınaldy. Sol zamandardan beri qaraı, Shymkent turǵyndarynyń boıynda erekshe qasıet qalyptasty. Bul – iskerlik, qonaqjaılylyq jáne ózgeriske degen beıimdilik.
Dostyq estafetasyn Uly Jibek jolymen Dýshanbege joldaımyz, – dedi qala ákimi quttyqtaý sózinde.Sondaı-aq, onlaın jıynda TMD Atqarýshy komıtetiniń tóraǵasy – Atqarýshy hatshy Lebedev S.N., Memleketaralyq gýmanıtarlyq yntymaqtastyq qory Basqarma Tóraǵasy, Ázirbaıjan Respýblıkasynyń Reseı Federasııasyndaǵy Tótenshe jáne О́kiletti elshisi Polad Bıýlbıýlogly qala turǵyndary men qonaqtaryna arnaıy merekelik quttyqtaý tilegin jetkizdi. Dostyq estafetasy Tájikstan Respýblıkasynyń Almaty qalasyndaǵy Bas konsýly Bahodýr Nazır myrzaǵa tabystaldy. 2200 kitap, 2200 tumar jáne 2200 qyzǵaldaq túınegimen toltyrylǵan sımvoldyq kerýen (Shymkent qalasynyń 2200 jyldyǵyna oraı) Jibek jolymen Tájikstan Respýblıkasynyń Dýshanbe qalasyna attanadyMádenı astana jylynyń jabylýy aıasynda 6 teatr, 5 kitaphana, sırk, zoobaq, ádet ǵuryp jáne salt dástúr ortalyǵy, Mádenıet úıi jáne basqa da mádenıet mekemeleriniń shyǵarmashylyq ujymdarynyń kúshimen 48 spektakl, 99 onlaın-is-shara, 7 jyljymaly teatr perfomanstary, 5 mýzykalyq perfomanstar, aqyndar, jazýshylar, ádebı qaıratkerler beınesindegi boıly qýyrshaqtar sherýi uıymdastyryldy. Shymkent qalasynyń jas sýretshileriniń kórmesi men ǵımarattardyń qasbetterinde 7 mýraldyń tusaýkeseri uıymdastyryldy.