Shoıyn joldyń sapasy tekserildi

Arnaıy jabdyqtar men mobıldi dıagnostıkalyq keshen qoldanylyp, temir jol­dar men baǵyttamaly burma­lardy tekserý nátıjesinde (tek­serý qazan aıynda Qa­zaq­­­stannyń barlyq óńir­lerin­­de júrgizildi) jolaýshy­lar men júk poıyzdary jú­retin temir joldarda qoz­ǵa­lys qaýipsizdigine qaýip tón­­diretin 1 myńnan as­tam qatelik anyqtaldy. Tek­serý­diń qo­rytyndysyna sáı­kes, sho­­­ıyn ma­gıstraldy kú­tip ustaýǵa qa­tysty olqy­lyq­­tardy joıý týraly nusqa­malar berildi.

Poıyzdar qozǵalysynyń qaýipsizdigine qaýip tóndiretin óreskel buzýshylyqtarǵa baılanysty 127 temir jol men 108 baǵyttamaly burmalardy paıdalaný toqtatylyp, 350 jyl­damdyq shekteýleri engi­zildi. Sondaı-aq arnaıy jyljymaly quramnyń 56 bir­ligin paıdalaný toqtatyldy. Bul olqylyq­tardy joıǵanǵa deıin Shyǵys Qazaqstan, Pav­lo­dar, Qostanaı jáne Qara­ǵandy oblystary men basqa da óńir­ler­de qozǵalys shekte­lip, jolaý­shylar men júk po­ıyzdary­nyń júrý kestesinde ózgerister baıqaldy.

Bıylǵy on aıda temir jol kóligi sýbektileri qozǵalys qaýip­­­sizdigine baılanysty 826 de­rek tirkelip, kóliktik baqy­laý qyz­­metkerleri 53 mln teńge­ge jýyq qarajatqa ákim­shi­lik mate­rıaldar toltyrdy. Byl­tyr­ǵy uq­sas kezeńmen saly­styr­ǵan­da atal­ǵan baǵytta óreskel qate­lik­ter­diń óskeni (2019 jyly 808 buzý­shylyq tirkeldi) baıqalady.