Shyǵys Qazaqstanǵa Reseıden gaz tartý máselesi qarastyrylyp jatyr. Bul týraly Úkimet otyrysynda Energetıka mınıstri Nurlan Noǵaev aıtty, dep habarlaıdy Egemen.kz.
"Qazaqstannyń shyǵys bóligi gazdandyrylmaǵan. Gazdandyrý «Barnaýl – Rýbsovsk – Semeı – О́skemen" baǵyty boıynsha gaz qubyry tartylýy múmkin. Semeı mańynda Pavlodarǵa qaraı burý da qarastyrylyp otyr", - dedi mınıstr.
Onyń aıtýynsha, atalǵan baǵytta gaz qubyryn salý osy óńirlerdegi 2,1 mln adamǵa kógildir otyn jetkizýge múmkindik beredi. Tutyný kólemi jylyna 2,3 mlrd tekshe metr deńgeıinde dep boljanǵan.
"Qazirgi tańda bul jobany júzege asyrý múmkindigin anyqtaý úshin "QazTransGaz" AQ men "Gazprom" arasynda jumys toby qurylyp, bul másele Reseı tarapymen pysyqtalýda", - dedi Nurlan Noǵaev.