El tarıhyndaǵy Paralımpıada oıyndarynyń tuńǵysh chempıony, dańqty sportshy Zýlfııa Gabıdýllına 55 jasqa toldy. Búginde Taraz qalasynda turyp jatqan ol elimizdiń dańqyn dúnıe júzine tanytqan sanaýly sańlaqtardyń biri. Jambyl oblysynyń ákimi Berdibek Saparbaev áıgili sportshyny mereıtoıymen quttyqtap, oǵan Memleket basshysy Qasym-Jomart Toqaevtyń arnaıy joldaǵan hatyn tabys etti.
«Zýlfııa Gabıdýllına jolynda kezikken qıyndyqtarǵa qaramastan júzý sportymen belsendi túrde aınalysyp, álemdik deńgeıde ózin moıyndatqan jerlesimiz. Ol – júzýden halyqaralyq deńgeıdegi sport sheberi, Qazaqstannyń Paralımpıada quramasynyń kapıtany, birneshe dúrkin álem chempıony. 150-den asa medal enshilegen maqtanyshymyz. Arbaǵa tańylǵanyna qaramastan, kúsh-jigeriniń arqasynda tolaǵaı jetistikterge jetip júrgen Zýlfııa Raýhatqyzynyń ómiri óskeleń urpaq úshin úlgi», dedi Berdibek Saparbaev.