Azamattyq qoǵamdy damytý – basym baǵyt

«Qoǵam jáne memleket: #Bir­gemiz árip­testik pen damýdyń 30 jyly» dep atalǵan toǵyzynshy oty­rystyń ashylý saltanatyna Aqparat jáne qoǵamdyq damý mınıstri Aıda Balaeva qaty­syp, elimizdegi azamattyq qoǵam­nyń damýy men úkimettik emes uıym­dardyń mańyzy týraly aıtty.

Alǵashqy kúnniń jumysy aımaqtyq fo­rým­darǵa sholýdan bas­taldy. Odan keıin úkimet­tik emes uıym ókilderiniń qaty­sýymen «Resýrstyq ortalyqtar – azamattyq bastamalardy tartý ortalyqtary» taqyrybynda podkast júrgizildi.

Aıda Balaeva jáne Qazaq­stannyń Azamat­tyq Alıansynyń pre­zıdenti Baný Nurǵazıeva «Aza­mat­tyq qoǵam. Máseleler men aldyńǵy kórinis» atty saraptama alań­ynda úkimettik emes uıym ókil­derimen kezdesý-talqylaý ótkiz­di. Pikirtalas barysynda qaty­sý­shylar spıkerlermen ashyq áńgimelesip, ózderin tolǵan­dyr­ǵan suraqtaryn qoıdy.

Buǵan qosa uıymdas­ty­rý­shylar Azamat­tyq forým aıasynda mınıstrlik basshy­lary­nyń úki­mettik emes uıymdar ókilderi­men 12 salalyq onlaın-kezdesý ótkizý jos­par­lanǵanyn aıtty.

Densaýlyq saqtaý mınıstri Alekseı Soı, Qarjy birinshi vıse-mınıstri Berik Shol­panqulov, Eńbek jáne halyqty áleý­mettik qorǵaý mınıstri Birjan Nu­rym­betov, Sıfrlyq damý, ınnovasııa­lar jáne aero­ǵarysh ónerkásibi mınıstri Baǵdat Mýsın, Ishki ister mınıstriniń orynbasary Arys­tanǵanı Zapparov qoǵamdyq uıym basshylarymen kezdesýlerin ótkizdi. Olar ózderi bas­qaryp otyrǵan mınıstrlikter azamattyq qoǵamnyń damýyna qandaı úles qosyp jat­qanyn baıandady. Bir­jan Nurymbetov úki­mettik emes uıymdardyń ókilderimen kezdesý kezinde áleýmettik qyzmetter por­taly­nyń jumysy týraly aıtty. Al Sıfrlyq damý, ınnova­sııalar jáne aeroǵarysh óndirisi mınıstri Baǵdat Mýsın uıaly baılanys operatorlaryn ınternet jyldamdyǵynyń tómengi shegin belgileýge mindetteý kózdelip otyrǵanyn habarlady. «Biz baılanys sapasynyń tómengi shegin min­detti túrde retteıtin bolamyz. Árıne, uıaly baılanys operator­lary buǵan narazy. Biraq kez kelgen jaǵdaıda biz halyqaralyq táji­rıbeni zertteımiz jáne «sapanyń tómengi shegi» uǵymyn engizemiz. Sebebi búgingi tańda, mysaly ope­rator 10 megabıt usynsa, ol qan­­shadan ekenin aıtpaıdy. Son­dyqtan biz min­detti túrde sapa­nyń tómengi shegin bekitemiz. Eger tómengi shekke saı bolmasa, aıyp­pul salynady», dedi mınıstr.

Aldaǵy ýaqytta forým barysynda qoǵam­dyq uıymdardyń basshylarymen Saýda jáne ıntegrasııa mınıstri Baqyt Sulta­nov, Ádilet mınıstri Marat Beketaev, Aýyl sha­rýashylyǵy mınıstri Saparhan Omarov, Ekologııa, geologııa jáne tabıǵı resýrs­tar mınıstri Maǵzum Myrzaǵalıev, Tóten­she jaǵdaılar mınıstri Iýrıı Ilın, Memle­kettik qyzmet isteri agenttiginiń tóraǵasy Anar Jaıylǵanova, Sybaılas jem­qor­lyqqa qar­sy is-qımyl agenttigi tóraǵasynyń birinshi orynbasary Oljas Bektenov kezdesedi.

Uıymdastyrýshylardyń aıtýynsha, kez­de­sýlerdi ótkizýdiń maqsaty – ortalyq memle­kettik or­gan­dar basshylarynyń úkimet­tik emes sektor ókilderimen ashyq dıalog ornatý.

– Forým aıasynda ÚEU-men kezdesýler ótkizý memlekettik organdar qyzmetiniń transparenttiligin jáne memleket iske asyratyn baǵ­darlamalar men bastamalar týraly jurtshylyqtyń habaryn arttyrýǵa yqpal etedi. ÚEU-men ózara is-qımyl memlekettik organ­darǵa jedel áreket etýge jáne halyqtyń ózekti máselelerin sheshýge múmkindik beredi, – deıdi Azamattyq qoǵam isteri komı­tetiniń tóraǵasy Madııar Qojah­metov.

Odan keıin jastar uıym­da­ry­nyń ókilderi men belsendi jas­tar mıllenıaldardyń qoǵam­dy qalaı ózgertetinin talqy­lady. Olar «Mıllenıaldar urpa­ǵy qoǵamnyń áleýmettik-ekono­mı­kalyq jáne saıası damýyn qalaı ózgerte alady?», «Qoǵam­da qandaı áleýmettik-mádenı prob­lemalar bar?», «Qandaı múmkin­dikter ashylady jáne qandaı ke­dergilerden ótý kerek?» syn­dy suraqtarǵa jaýap izdep, pi­kir bildirdi. Pikirtalasqa prezı­dent­tik kadrlyq rezerv músheleri shaqyr­tyldy.

Prezıdenttik kadrlyq rezerv múshesi Zýlfııa Súleımenova mıllenıaldardyń urpaǵy shetelde oqyp, álemdegi jańa trend­terdi meńgerip jatqanyn atap ótti. Onyń aıtýynsha, endigi mindet – osy bilimdi elimizdiń ıgiligine paıdalaný.

Búginde Ekologııa, geologııa jáne tabıǵı resýrstar mınıstr­liginiń Klımattyq saıasat jáne jasyl tehnologııalar depar­tamenti dırektorynyń orynbasary bolyp qyzmet etetin Zýlfııa Súleımenova «Biz bárimiz erek­shemiz. Ártúrli nársege senemiz, ártúrli nárseni kóremiz, ártúrli qabyldaımyz. Menińshe, bizdiń býyn, ıaǵnı mıllenıal urpa­ǵy, jahandanýdyń alǵashqy býyny bolyp sanalamyz. Búginge deıin jınaǵan bilimimiz ben tájirıbemizdi azamattyq qoǵamǵa arnaý kerek», dep atap ótti.

Brıtandyq Keńestiń Qazaq­stan­daǵy bilim berý jáne áleýmettik baǵdarlamalarynyń jetekshisi Danııar Muqıtanovtyń pikirinshe, barlyq qazaqstandyq úshin otbasylyq dástúr men qun­dylyqtar mańyzdy. Bul halyqty biriktirýshi faktor bolýy kerek.

Kezdesýler barysynda memleket pen aza­mat­tyq qoǵamnyń densaýlyq saqtaý, qorshaǵan ortany qorǵaý, sondaı-aq bas bostan­dy­ǵynan aıyrý oryndarynan bosatylǵan jáne probasııa qyzmetinde esepte turǵan adam­darǵa áleýmettik-quqyqtyq kómek kórsetý salasyndaǵy ózara is-qımyl, sybaılas jem­qorlyqqa qarsy is-qımyl jónindegi tıisti usynymdar men birlesken is-áreketter jos­parlaryn ázirleý, Áleýmettik qamsyzdandyrý kodeksin daıyndaý jónindegi tásilderdi qaraý jáne basqa da máselelerdi talqylaý josparlanýda.

Mınıstrlermen kezdesý úshin respýb­lı­kalyq jáne óńir­lik ÚEU, saraptamalyq qoǵam­das­tyqtardyń, «Adaldyq alańy» joba­lyq ofısteriniń ókilderi, ar­naıy monı­torıngtik toptar shaqy­rylýda.

Forýmnyń birinshi kúni qaty­sýshylar «Sybaılas jemqor­lyqqa qarsy azamattyq qoǵam» sarap­tama alańynda forým qatysý­shylary paraqorlyqpen kúresý­diń tıimdi ádisterin jáne qoǵ­amda osy áleýmettik zulym­dyqqa tózbeýshilikti qalyp­tas­tyrý tásilderin talqylady. Son­daı-aq «Qoǵamdyq keńesterdiń tıim­diligin arttyrý tájirıbesi men prak­tıkasy», «Pikir kóshbas­shy­larynyń aýdıtorııa aldyn­daǵy azamattyq jaýapkershiligi» taqyryptarynda pikirtalastar ótti.