Qazaqstannyń birqatar óńirlerinde múgedektigi bar adamdarǵa elektr jetegi bar kreslo-arbalar berile bastady. 2020 jyldyń sońyna deıin oblystar jáne respýblıkalyq mańyzy bar qalalarda eresekter men erekshe qajettilikteri bar balalarǵa arnalǵan 1381 arba jetkizý josparlanyp otyr.
Múgedekter arbasyn óndirýshi «Tynys» AQ «Qazaqstan Injınırıng» UK enshiles uıymy bolyp tabylady. Taýar óndirý kezinde qazaqstandyq qamtý úlesi 75% - dy quraıtynyn atap ótý kerek. Jalpy salmaǵy 75 keli, júrý qashyqtyǵy 25 shaqyrymnan asady, júk kóterimdiligi 140 kelige deıin. Bul qazaqstandyq konstrýktorlardyń ózderi qurastyrǵan ónimderi.
Búgingi kúni memlekettik tapsyrysty oryndaý sheńberinde jetkizýshi 817 birlik kreslo-arbany elimizdiń 12 oblysyna (Aqtóbe, Almaty, Atyraý, ShQO, Jambyl, BQO, Qostanaı, Qyzylorda, Mańǵystaý, Pavlodar, SQO, Túrkistan) jáne Nur-Sultan jáne Shymkent qalalaryna jóneltti. 2020 jyldyń sońyna deıin taǵy 564 elektr jetegi bar kreslo-arbany jetkizý josparlanýda.
Bul shara erekshe qajettilikteri bar azamattarǵa yńǵaıly jáne óz betinshe qozǵalýǵa múmkindik beredi, bul olardyń áleýmettenýin arttyrady.