Shymkent qalasyna turǵyndardy qoǵamdyq kólikpen qamtý maqsatynda jańadan 590 avtobýs ákelindi. Jolaýshylardy tasymaldaýda barlyq jaǵdaı qarastyrylǵan avtobýs, joǵary sapa standartyna sáıkestendirilgen. Bul týraly qala ákimdiginiń baspasóz qyzmeti habarlady.
Qala ákimi Murat Áıtenov qalaǵa jańa avtobýstardy kórý úshin «T-bus» avtoparkine bardy. Mundaǵy barlyq avtobýstar beınekamera, jeldetkish, habarlama jarııalaýǵa arnalǵan mıkrofondarmen jabdyqtalǵan. Sonymen qatar, avtobýstarda pandýs men múgedekterdiń arbalaryn ornalastyratyn oryndar da qarastyrylǵan.
Kompanııa qoǵamdyq kólikterde metan-gazyn paıdalanýda úlken tájirıbege ıe. Marshrýttarǵa úzdiksiz qyzmet kórsetý úshin óndiristik-tehnıkalyq bazasy men avtomattandyrylǵan gaz toltyrý stansııasy bar. 1 jeltoqsannan bastap 150 avtobýs qalanyń shalǵaı aýdandaryn ortalyqpen baılanystyratyn №103, 27, 35, 84, 135, 92, 74, 12 marshrýttarynda qyzmet kórsetedi.
Aıta keteıik, shaharda jolaýshylardy tasymaldaýdy damytýdyń 2018-2020 jyldarǵa arnalǵan keshendi baǵdarlamasy negizinde qala ákimdigi tarapynan byltyr 300 avtobýs satyp alynǵan bolatyn. Qazirgi tańda bul avtobýstar halyqtyń ıgiligine qyzmet kórsetip otyr.