Memleket basshysy Qasym-Jomart Toqaev Qazaqstanǵa Prezıdent Vladımır Pýtınniń tapsyrmasymen kelgen Reseı Prezıdenti Ákimshiligi Basshysynyń orynbasary Dmıtrıı Kozakty qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda Qazaqstan men Reseı arasyndaǵy áriptestik pen odaqtastyqtyń ózekti máseleleri talqylandy.
Saıası, saýda-ekonomıkalyq jáne gýmanıtarlyq yntymaqtastyqty damytýǵa, sondaı-aq eýrazııalyq ıntegrasııaǵa, sonyń ishinde, jýyrda ótetin Joǵarǵy Eýrazııalyq ekonomıkalyq keńes otyrysyna erekshe kóńil bólindi.
Memleket basshysy Reseı Federasııasymen odaqtastyq baılanystardyń kún tártibindegi kóp qyrly ózara is-qımyldardy nyǵaıtýǵa basymdyq berýdiń mańyzdy ekenin málimdedi. Eki el Prezıdentteri Ákimshilikteriniń arasynda ózara is-qımyldardy jáne baılanystardy damytý jóninde kelisim jasaldy.