Oblys ákimi S. Trumov Aqtaý qalasyndaǵy 2-káriz tazalaý qondyrǵysynan (KOS-2) shyǵatyn káriz sýyn zalalsyzdandyrý arqyly paıdalaný pılottyq jobasymen tanysty, dep habarlaıdy Egemen.kz oblys ákiminiń baspasóz qyzmetine silteme jasap.
Qazirgi tańda, 5 zalalsyzdandyrý qondyrǵylary Aqtaý qalasyna jetkizilip, qurylys-montajdaý jumystary júrgizilýde. Bastapqyda qondyrǵynyń qýattylyǵy táýligine 16000 tekshe metrdi qurasa, keıin ol 40000 tekshe metrge deıin ulǵaıady. Zerthanalyq synamalar qorytyndysyna sáıkes zalalsyzdandyrylǵan sýdy qalany kógaldandyrý jumystaryna paıdalaný josparlanýda.
Nátıjesinde, jaz aılarynda jasyl jelekterdi sýarýǵa jumsalatyn aýyz sý kólemi turǵyndarǵa baǵyttalatyn bolady.
Aıta ketý kerek, bul qondyrǵy ázirge Qazaqstandaǵy jalǵyz qondyrǵy bolyp tabylady. Tehnologııa Reseıde, BAÁ-de jáne Eýropa elderinde belsendi qoldanylady.