Almaty qalasynyń ákimi Baqytjan Saǵyntaevtyń ókimimen Narıman Tabynbaev Almaty qalasynyń Qoǵamdyq densaýlyq basqarmasynyń basshysy bolyp taǵaıyndaldy, dep habarlaıdy Egemen.kz
Narıman Tabynbaev 1961 jyly 23 aqpanda týǵan. Almaty Memlekettik medısına ınstıtýtyn, Qazaq ınjenerlik-tehnıkalyq akademııany támamdaǵan. Professor, medısına ǵylymdarynyń doktory.
Eńbek jolyn 1985 jyly Qyzylorda oblysynyń Ortalyq aýdandyq aýrýhanasynda balalar hırýrgi bolyp bastaǵan.
1988 jyldan 1994 jyl aralyǵynda endoskopııa bóliminiń meńgerýshisi, Qyzylorda qalasyndaǵy oblystyq aýrýhananyń bas dárigeriniń dıagnostıkalyq ortalyǵy boıynsha orynbasary bolyp jumys istegen.
1994 jyldan 1997 jyl aralyǵynda Almaty oblysynyń Ortalyq aýdandyq aýrýhanasy bas dárigeriniń emdeý jumysy jónindegi orynbasary boldy.
1997 jyldan 2002 jyl aralyǵynda Ýrologııa ǵylymı ortalyǵynda ǵylymı qyzmetker, aǵa ǵylymı qyzmetker, bólim meńgerýshisi, bas dáriger bolyp jumys istedi.
2008 jyldan 2014 jyl aralyǵynda Qyzylorda qalasyndaǵy oblystyq medısınalyq ortalyqtyń dırektory, Ýrologııa ǵylymı ortalyǵynyń dırektory qyzmetterin atqardy.
2014-2015 jyldar aralyǵynda Astana qalasyndaǵy "Ulttyq medısınalyq holdıng" AQ basqarma tóraǵasynyń orynbasary boldy.
2015 jyldan 2018 jyl aralyǵynda Astana qalasyndaǵy Ulttyq ǵylymı onkologııa jáne transplantologııa ortalyǵynyń dırektory bolyp jumys istedi.
2019 jyldan 2020 jyl aralyǵynda Fox Chase Cancer Center (Philadelphia, AQSh), University of Minnesota (Minneapolis, AQSh) taǵylymdamadan ótti.
Búgingi taǵaıyndaýǵa deıin ol Almaty qalasy Qoǵamdyq densaýlyq basqarmasy "Ortalyq qalalyq klınıkalyq aýrýhanasy" ShJQ MKK dırektory qyzmetin atqarǵan.