Pavlodar oblysynyń Polısııa departamenti óńirdegi kólderdiń birinen muz bolyp qatyp qalǵan 26 jylqynyń tabylǵanyn aıtty, dep habarlaıdy Egemen.kz
Polısııa joǵalǵan tabyndy izdestirý barysynda ólgen janýarlardy tapqan. Jylqylar Aqqýly aýdanyndaǵy fermerlerdiń birine tıesili. Fermer janýarlardyń joǵalǵany týraly 4 jeltoqsanda habarlaǵan.
Aqqýly aýdanynyń polısııa bóliminiń basshysy Tasqyn Bodıev: "Mal ıesiniń aıtýynsha, 1 jeltoqsanǵa qaraǵan túni Qazy aýylynan 10 shaqyrym jerde ornalasqan jaıylymnan belgisiz bireýler 26 jylqy urlaǵan. Birneshe kún boıy ol joǵalǵan jylqylardy óz betinshe tabýǵa tyrysqan, biraq izdestirý jumystary nátıje bermegen soń polısııadan kómek suraǵan", dedi ol.
Joǵalǵan jylqylardy tek aýdan polıseıleri ǵana emes, sonymen qatar shekaralas aımaqtar da izdestirip, qolushyn tıgizgen. Birneshe jumyldyrý toptaryna bólingen qyzmetkerler jaqyn mańdaǵy barlyq aýmaq pen jaıylymdy teksergen.
"6 jeltoqsanda izdeý nátıjesinde Qazy aýylynan 15 shaqyrym jerde ornalasqan Borly kólinen 26 jylqynyń máıiti tabyldy. Janýarlar muz bolyp qatyp qalǵan", dedi T.Bodıev.